Broad Peak

Frå Wikipedia – det frie oppslagsverket
Gå til: navigering, søk
Koordinatar: 35°48′35″N 76°34′25″E
Broad Peak
Faichan Kangri, K3
fjell
none  Broad Peak sett frå Concordiaplassen
Broad Peak sett frå Concordiaplassen
Land Flag of Pakistan.svg Pakistan, Flag of the People's Republic of China.svg Kina
Fjellkjede Baltoro Muztagh, Karakorum
Topp Gilgit-Baltistan og Shaksgam-dalen
 - høgd 8 051 moh
 - skardhøgd 1 701 m ↓  K2
 - dominans 9,37 km
 - koordinatar 35°48′35″N 76°34′25″E
Lettast tilkomst Vestkammen og nordegga
Førstestiging av Marcus Schmuck, Fritz Wintersteller, Kurt Diemberger, Hermann Buhl
 - dato 9. juni 1957
Topografic map of Tibetan Plateau.png
Locator Red.svg

Broad Peak (urdu بروڈ پیک; kinesisk 布洛阿特峰; pinyin Bùluòātè Fēng)[1] er med ei høgd på 8 047 m det tolvte høgste fjellet på jords. Broad Peak er ein del av Gasherbrum-gruppa i fjellkjeda Karakoram nord i Pakistan. 8 kilometer lengre nord, på andre sida av Godwin-Austen-breen ligg K2, verdas nest høgste fjell.

Dei tre toppane på Broad Peak: nord- (heilt til venstre), midt- (venstre tredel av bildet) og hovudtoppen (i midten av bildet)

Namnet[endre | endre wikiteksten]

William Martin Conway, leiaren av ein engelsk utforskingsekspedisjon i 1892, døypte fjellet Broad Peak («Breidtind») på grunn av det over ein kilometer lange, nesten flate toppområdet. Fjellet skal ha gjeve Conway assosiasjonar til Breithorn i Zermatt. Området der Baltorobreen og Godwin-Austen-breen flyt saman minna Conway om KonkordiaplatzAletschgletscher i Bern-Alpane, og han gav det derfor namnet Concordia.

Toppane på Broad Peak[endre | endre wikiteksten]

Topp Høgd Skardhøgd Referansetopp
Broad Peak, hovudtoppen 8051 m 1701 m Gasherbrum I
Fortoppen (òg Rocky Summit eller False Summit) 8028 m < 50 m Broad Peak
Broad Peak Central (òg BP Mid Peak eller Middle;
kinesisk Zhongyang)
8011 m 191 m Broad Peak
Broad Peak, nord 7490 m 212 m Broad Peak
Kharut Kangri 6942 m 402 m Broad Peak

Klatrehistorikk[endre | endre wikiteksten]

Ein ekspedisjon leia av Karl Herrligkoffer kom i 1954 til om lag 6 900 m før dei blei tvungne ned att.

Førsteklatringa stod austerrikarane Hermann Buhl, Kurt Diemberger, Marcus Schmuck og Fritz Wintersteller for 9. juni 1957. Dei klatra i alpin stil, dvs utan flaskeoksygen og berarar. Dei var på fortoppen allereie 29. mai, men måtte konstatere at det høgste punktet var et godt stykke unna og gå ned att for å samle krefter til det endelege toppangrepet.

Nordtoppen førsteklatra Renato Casarotto i 1983.

14. juli 1984 soloklatra polakken Krzysztof Wielicki fjellet på 14 timar; for opp- og nedstigninga totalt brukte han berre 22 timar.[2][3]

Ingen nordmenn har nådd heilt til topps på Broad Peak. Den som er komen høgast er Eirik Tryti som i 1991 nådde skaret mellom hovud- og midttoppen på om lag 7 800 m, men måtte snu på grunn av dårleg vêr.

Litteratur[endre | endre wikiteksten]

  • Kurt Diemberger, Spirits of the Air, 1994. Mountaineers Books, ISBN 0-89886-408-9
  • Richard Sale, Broad Peak, Carreg, Ross-on-Wye, 2007. ISBN 0-9538631-5-8
  • Marcus Schmuck, Broad Peak 8047 m Meine Bergfahrten mit Hermann Buhl, Das Bergland-Buch, Salzburg, 1958 (om førsteklatringa)
  • Rollo Steffens, Faszination Karakorum. Die wilden Berge Asiens, Bruckmann Verlag, München, 2000. ISBN 3-7654-3593-7
  • Jochen Hemmleb, Broad Peak – Traum und Albtraum, Tyrolia, Innsbruck 2007. ISBN 3-7022-2811-X

Referansar[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Broad Peak

Teksten er basert på artikkelen Broad Peak frå Wikipedia på tysk slik den var 9. juli 2012.