Hjartdal kommune

Frå Wikipedia – det frie oppslagsverket
Gå til: navigering, søk
Hjartdal kommune
Våpen Kart
Komm.nr. 0827
Fylke Telemark
Adm.senter Sauland
Areal 798 km²
Folkemengd 1 609 (1. jan 2012)
Politikk
Ordførar (2011-2015) Sven Tore Løkslid (Ap)
Målform Nynorsk
Nettstad www.hjartdal.kommune.no
Folketalsutvikling 1951-2010[1]
Befolkningsutvikling kommune 0827.svg
Hjartdal kommune på Commons

Hjartdal kommune ligg i Telemark fylke og grensar til Notodden i aust, til Tinn i nord og i sør og vest til Seljord. Kommunen har sine noverande grenser frå 1905, då eit mindre område vart overført til Seljord.

Administrasjonssenteret i Hjartdal er Sauland. Lokalavisa er Telen, som òg dekkjer to andre kommunar.

Geografi[endre | endre wikiteksten]

Gaustakne, ein av dei lågare toppane på Gaustatoppen

Busetnaden i Hjartdal er for det meste spreidd. Kommunen har ingen tettstader, men tre mindre bygder, Tuddal, bygda Hjartdal og kommunesenteret Sauland. Landskapet i Hjartdal utgjer for det meste fjell og hei, og om lag ein fjerdedel av kommunen ligg innan landskapsområdet Brattefjell-Vindeggen. Sør for det største dalføret ligg Mælefjell på 1413 moh. ved grensa til Seljord og i nordvest Vindeggen på 1516 moh. Det høgste punktet i kommunen ligg på ryggen opp mot Gaustatoppen og er på 1615 moh.

Næringsliv[endre | endre wikiteksten]

Utsyn over innsjøen Hjartsjåvatnet, sett mot aust

Skog- og jordbruk er viktige næringar i kommunen, hovudsakleg med husdyrhald kombinert med skogdrift og andre næringar, som anleggs- og byggearbeid. I Sauland vert det dyrka korn, sidan jordbotnen, terrenget og klimaet dannar eit gunstig grunnlag for dette. Av dei yrkesaktive har nærare halvparten arbeid utanfor kommunen, særleg i Notodden og i Seljord. Turisme er ei viktig næring i fjellbygda Tuddal, med me.a. fleire hytter i området. Det er tre kraftverk i kommunen med ein årleg kapasitet på 114 MW. Størst av desse er Hjartdøla attmed Hjartsjåvatnet som vert drive av vassdraga vest for Tuddal og nord for det største dalføret i kommunen.

Minnestein over bondeopprøret i 1540 reist ved Hjartdal kyrkje.
Siri Johannessen (2010)

Samferdsle[endre | endre wikiteksten]

Europaveg 134 (Drammen–Haugesund) passerer kommunen i sør og langsmed denne vegen ligg bygdene Hjartdal og Sauland. Frå Sauland er det veg gjennom Tuddal, vidare langsmed austsida av Gausta til Rjukan med passhøgd 1260 moh. Den øvre delen er stengd vinterstid.

Kommunenamn og -våpen[endre | endre wikiteksten]

Namnet Hjartdal stammar truleg frå eit eldre namn Hjarta på Hjartdøla, av dyrenamnet «hjort». Ein person frå Hjartdal vert kalla for hjartdøl.

Kommunevåpenet vart godkjent ved kongeleg resolusjon den 17. februar 1989. Motivet er på grøn grunn ein ståande sølv hjort og viser til ein mindre hjortestamme som held til innan kommunen.

Kjelder[endre | endre wikiteksten]

Fotnotar[endre | endre wikiteksten]

Bakgrunnsstoff[endre | endre wikiteksten]


Koordinatar: 59°36′46″N 8°56′57.9″E