Kallithéa

Kallithéa
Plassering
Kallithéa
Styresmakter
Land Periferi Periferieining	Hellas Attikí Sør-Aten
Geografi
Flatevidd  - By	4,749 km²
Innbyggjarar  - By (2001)    - folketettleik	109 609   23 080/km²
Koordinatar	37°57′0″N 23°42′0″E
Høgd over havet	25 m
Diverse annan informasjon
Postnummer	176 xx
Telefon-retningsnummer	210
Bilnummer	Z
Heimeside: www.kallithea.gr

Kallithéa (gresk Καλλιθέα) er den åttande største kommunen i Hellas med om lag 110 000 innbyggjarar og den fjerde største i storbyområdet til Aten i Attikí etter Aten sjølv, Pireus og Peristéri. Kommunen inngår frå 2011 i periferieininga Sør-Aten i periferien Attikí.

Sentrum av Kallithéa (Davákisplassen) ligg 3 km sør for sentrum av Aten (Sýndagmaplassen) og 3 km nordaust for Pireus sentrum (Koráisplassen). Kallithéa strekkjer seg frå Filopáppou- og Sikelíaåsane i nord til Fálirobukta i sør. Frå aust til vest strekk han seg frå gata Syngroú i aust (ved grensa til Néa Smýrni og Paleó Fáliro) til elva Ilisós i vest (ved grensa til Távros og Moskháto).

Planane for opprettinga av Kallithéa vart offisielt lagt i desember 1884. Fleire øvingar i dei olympiske leikane både i 1896 og 2004 vart lagt til Kalithéa. Mellom desse to leikane voks byen mykje. I 1920-åra kom mange flyktningar til staden etter den gresk-tyrkiske krigen 1919-1922.

Kallithéa huser i dag to universitet (Kharokópio og Pándion), fleire kulturinstitusjonar og sportsklubbar. Innan fotball er Kallithéa FC mest kjend av desse.

Kjelde

• Denne artikkelen er basert på ei omsetjing av artikkelen Kallithea frå Engelsk Wikipedia .