Orkdal kommune

Frå Wikipedia – det frie oppslagsverket
Orkdal kommune
kommune
Kommunevåpen
Land  Noreg
Fylke Trøndelag
Adm.senter Orkanger
Areal 594 km²
 - land 567 km²
 - vatn 27 km²
Målform nøytral
Ordførar Oddbjørn Bang (Sp)
Kommunenr. 5024
Kart
Orkdal kommune
63°17′20″ N 9°43′34″ E
Wikimedia Commons: Orkdal
Nettstad: www.orkdal.kommune.no

Orkdal er ein tidlegare norsk kommune i Trøndelag fylke. Han grensa til Snillfjord og Agdenes i nord, Hemne i vest, Meldal og Rindal (i Møre og Romsdal) i sør og mot Melhus og Skaun i aust. I 2020 blei kommunen slått saman med Meldal, Agdenes og ein del av Snillfjord til nye Orkland kommune.

Tettstader i Orkdal var Orkanger, Gjølme, Fannrem, Vormstad og Svorkmo. Orkanger var regionsenter for kommunane rundt.[1]

Geografi[endre | endre wikiteksten]

Elva Orkla renn gjennom kommuneområdet og ut i Orkdalsfjorden ved Orkanger. Orkdalsfjorden er ein sidefjord til Trondheimsfjorden.

Det er mykje dyrka mark i Orkdal. Ho finst hovudsakleg i botnen av dalen og på store, flate avsatsar eit stykke oppe i dalsidene. På lokal dialekt blir ein slik avsats kalla ein «jår», og i Orkdal er det seks «jårar»; Ustjåren, Berbusjåren, Kvålsjåren, Togstadjåren, Monsetjåren og Fossjåren.

Elvar, fjell og vatn i Orkdal[endre | endre wikiteksten]

Næringsliv[endre | endre wikiteksten]

Orkanger ligg industriområdet Grønøra. Dette er eit av dei største industriknutepunkta ved Trondheimsfjorden.

Utdanning[endre | endre wikiteksten]

Helse[endre | endre wikiteksten]

Orkdal sjukehus er lokalsjukehus for regionen. Det heitte tidlegare Orkdal Sanitetsforenings Sjukehus og var eigd av den lokale sanitetsforeininga, men er i dag ei avdeling under St. Olavs hospital.

Verdt å sjå[endre | endre wikiteksten]

Thamshavnbanen frå Løkken Verk i Meldal og ned til Trondheimsfjorden i Orkdal kommune er no nedlagt, men ei kortare strekning er gjenopna for turistar.

Tusenårsstad[endre | endre wikiteksten]

Tusenårsstaden i kommunen var stasjonsområdet på Fannrem. Dette inkluderer gamle Fannrem jernbanestasjon, Stasjonsparken, samt den gamle brannstasjonen.

I parken er det bygd musikkpaviljong, leikeapparat, bord og benkar. Sentralt plassert i parken er skulpturen «Go'foten», eit handfast bevis på Nils Arne Eggen sin «godfotteori». Tusenårstreet til kommunen er òg planta her.

Tusenårsstaden er hyppig bruka til ulike arrangement og føremål gjennom året: Parkrennet, 17. mai-feiring, Stasjonsdagen, Husflidsdagen, Oktoberfestivalen, julegrantenning, veteranbilutstilling, museumsjarnbane, husflid med meir.

Fannrem Velforening har ansvaret for den daglege drifta og vedlikehaldet av staden.

Bilete[endre | endre wikiteksten]

Kjende orkdalingar[endre | endre wikiteksten]

Bakgrunnsstoff[endre | endre wikiteksten]

  1. «Orkdal som regionsenter og bokommune». www.avisa-st.no (på norsk bokmål). 1. september 2015. Henta 23. januar 2019.