Angístri

Angístri Lokalt namn: Αγκίστρι
Stranda ved hamna i Skála
Geografi
Stad	Saroniabukta i Egearhavet
Koordinatar	37°42′N 23°21′E
Øygruppe	Dei saroniske øyane
Areal	13,37 km²
Administrasjon
Land	Hellas
Periferi Periferieining	Attikí Øyane
Største busetnad	Megalokhóri (566 innb.)
Demografi
Folketal	1 142 (2011)
Folketettleik	85,4 /km²

Angístri (gresk Αγκίστρι), òg kalla Agistri, Ankistri og Agkistri, er ei lita øy i Dei saroniske øyane i Saroniabukta i Hellas. Ho er dekt av furuskog og er berre eit par kilometer på tvers. Øya er ein kommune i periferieininga Øyane i periferien Attikí.

Busetnadar

Det er berre tre busetnadar på Angístri - Megalokhóri (eller Mýlos), Skála og Limenária. Megalokhóri er den største landsbyen der dei fleste innbyggjarane bur. Skála ligg tjue minuttar unna til fots, og det er her dei fleste turisthotella er. Limenária er ein svært liten landsby på den andre sida av øya med lite turisme.

Plassering

Angístri ligg nær den større saroniske øya Éjina. Herfrå kan ein nå øya med båt på berre ti minutt. Øya ligg ein times båttur frå Pireus.

Byar og tettstader

Byane og tettstadene i kommunen er:

Tettstad	Folketal 2011
Megalokhóri	566
Skála	448
Limenária	128