Beit Shemesh
| Beit Shemesh Bet Shemesh | |||
| בֵּית שֶׁמֶשׁ, بيت شيمش | |||
| by | |||
 Moderne Beit Shemesh
| |||
|
|||
| Namneopphav: Solhuset | |||
| Land |  Israel
| ||
|---|---|---|---|
| Distrikt | Jerusalem distrikt | ||
| Koordinatar | |||
| Areal | 34,259 km² | ||
| Folketal | 84 200 (2011[1]) [1] | ||
| Folketettleik | 2 458 / km² | ||
| Grunnlagd | 1950 | ||
| Borgarmeister | Moshe Abutbul | ||
 Beit Shemesh | |||
  | |||
| Wikimedia Commons: Beit Shemesh | |||
Beit Shemesh eller Bet Shemesh (hebraisk בֵּית שֶׁמֶשׁ; gresk Βαιθσαμύς; latinsk Bethsames) er ein by som ligg kring 30 km vest for Jerusalem i Israel i Jerusalem distrikt. Han hadde 80 600 innbyggjarar i 2010.[2] Historia til Beit Shemesh går attende til før-bibelsk tid. Den moderne byen Beit Shemesh vart grunnlagd i 1950.
Historie[endre | endre wikiteksten]
Antikken[endre | endre wikiteksten]
Den antikke byen Beit Shemesh («solhuset» eller «soltempelet» på hebraisk) vart opphavleg namngjeven etter den kanaanittiske solgudinna Shemesh, som vart dyrka der i antikken. Ruinane av den gamle byen er framleis synleg på ein tell nær den moderne byen.[3]
Beit Shemesh er først nemnt i Josvas 15 (som Bet-Sjemesj på norsk) som ein by i området til Juda-stamma på grensa mellom territoriet deira og territoriet til Dan-stamma. Seinare i Josva 21 vert Beit Shemesh nemnt som ein stad som er sett til sides for prestane av Levi-stamma, kohanim. Byen er nemnt i kapittel 6 i Første Samuelsbok som den første byen som Paktas ark vart frakta til på veg attende frå Filistia etter å ha blitt stolen av filistrane i eit slag. I Andre kongebok er Beit Shemesh igjen nemnt som åstad for slaget mellom Amaziah konge av Judea og Jehoash konge av Israel.
Då Babylonia øydela Judea, vart vassverka i Beit Shemesh gøymd og tildekt, og ikkje funnen att før 2004. Så då jødane kom attende til området, i perioden kring Det andre tempelet, vart ikkje byen bygd opp att, slik mange andre stader i nærleiken vart, som Beit Guvrin, Maresha og andre. Småbyane Dayr Raban og Dayr Rafat nytta derfor stein frå denne byen til å bygge sine bygg. I nærleiken finst òg ein førhistorisk megalittisk sirkel, som truleg var knytt til gudsdyrkinga i Beit Shemesh.
Det er funne spor frå eit kloster og andre spor frå den bysantinske perioden.[4]
Moderne tid[endre | endre wikiteksten]
Seint på 1800-talet vart staden nytta som bustad av lokale arbarar under innhaustinga.[5][6] Den vesle moskéen Abu Mizar låg der.[6]
Under den arabisk-israelske krigen i 1948 invaderte den egyptiske armeen området og sette opp ein militærpost på ein ås som seinare vart Beit Shemesh. Posten skifta hender fleire gonger under kampane.
I 1952 vart dei første permanente husa bygde i Beit Shemesh, etter at det hadde lege ein flyktningleir der sidan 1950. Byen vart ein typisk utviklingsby med stort sett nordafrikanske immigrantar som innbyggjarar.
Kjelder[endre | endre wikiteksten]
- Denne artikkelen bygger på «Beit Shemesh» frå Wikipedia på engelsk, den 7. oktober 2014.
- Wikipedia på engelsk oppgav desse kjeldene:
- ↑ 1,0 1,1 «Statistical Abstract of Israel 2012 - No. 63 Subject 2 - Table No. 15». Israel Central Bureau of Statitistics. Arkivert frå originalen 2013-10-20. Henta 7. oktober 2014.
- ↑ «CBS, Statistical Abstract of Israel». CBS. 2011. Henta 21. februar 2012.
- ↑ Beit Shemesh – Biblical city on the border between Judah and Philistia, Israel Ministry of Foreign Affairs. Retrieved 23 November 2007.
- ↑ Claudine Dauphin (1998). La Palestina byzantine, Peuplement et Populations, Vol. III: Catalogue. BAR International Series 726. Oxford: Archeopress. s. 909.
- ↑ C. R. Conder and H. H. Kitchener (1883). The Survey of Western Palestine III. London: The Committee of the Palestina Exploration Fund. s. 60.
- ↑ 6,0 6,1 M. V. Guérin (1869). Description géographique, historique et archéologique de la Palestina. Judée II. Paris. s. 18–22.
