Hurum kommune

Frå Wikipedia – det frie oppslagsverket
Gå til: navigering, søk
Hurum kommune
Kommune
Kommunevåpen
Land Flag of Norway.svg Noreg
Fylke Buskerud
Adm.senter Sætre
Areal 163 km²
 - land 156 km²
 - vatn km²
Folketal 9 413 (1. januar 2016)
Folketettleik 60 / km²
Målform Bokmål
Ordførar Monica Vee Bratlie (H)
Kommunenummer 0628
NO 0628 Hurum.svg
Wikimedia Commons: Hurum

Hurum er ein heradskommune i Buskerud. Kommunen ligg på halvøya Hurumlandet mellom Oslofjorden og Drammensfjorden, og grensar til Røyken kommune i nord. Administrasjonssenteret Klokkarstua ligg i innlandet, i Sandungsdalen, medan dei fleste andre tettstadane i kommunen, som Sætre, Tofte, Filtvet og Holmsbu, ligg langs kysten. Verd å nemne er òg plassen Verket, rett vest for Klokkarstua. Han er ei istidsavsetting som mesten stengjer Drammensfjorden.

Rundt 100 km² av flatevidda er produktiv skog, medan rundt ein tidel av landet vert nytta til jordbruk. Den 63 kilometer lange kystlina til kommunen har ein kyststi for turgåarar.

Industri[endre | endre wikiteksten]

Hurum rådhus på Sætre
Holmsbu hamn

Den industrielle revolusjonen kom tidleg til Hurum, først med eit glasverk som vart bygd på slutten av 1700-talet. Nå har kommunen fleire hjørnesteinsverksemder, som Dyno Industrier, Norske Skogindustrier A/S, og Tofte Industrier.

Kommunikasjon[endre | endre wikiteksten]

Hurum har lenge trekt til seg sommarturistar, men i den siste tida har folk utanfrå òg busett seg der fordi det er mogleg å pendla frå Hurum til storbyane Drammen og Oslo. Ein tunnel under Oslofjorden til Drøbak har gjort han betre tilgjengeleg.

I 1988 vedtok Stortinget å byggja hovudflyplass for Austlandet i kommunen, men dette vart omgjort i 1990 på grunn av risiko for skodde i området, og flyplassen vart i staden lagt til Gardermoen.

Øyar[endre | endre wikiteksten]

Langs Hurumkysten finn ein òg fleire øyar og holmar med ein særskild flora og geologi. Fleire av desse er freda. Ei av øyane er Mølen, ein av dei få stadane i Noreg der det veks misteltein.

Flora og fauna[endre | endre wikiteksten]

Hurum har kystbarskog, og innimellom åker- og kulturlandskap i indre strøk er det blandingsskog med lauvtrær og mykje gran. Av sjeldnare arter kan nemnast misteltein (i sør), vårmarihånd og vårkrossknapp.

Faunaen er dominert av den søraustnorske lauvskogens habitat, med rådyr, noko elg, hare, grevling og ulike gnagarar. Fuglelivet har tatt seg opp. Det hekkar mellom anna hegre, knoppsvane, ærfugl, strandsnipe og gråspett i Hurum. Det er også noko ål, knurr og sjøaure i sjøen langs kysten.

Verd å vitja[endre | endre wikiteksten]

Kjende Hurumbuar[endre | endre wikiteksten]

Bakgrunnsstoff[endre | endre wikiteksten]