Kees Verkerk

Kees Verkerk
Kees Verkerk i 1968
Statsborgarskap	Kongeriket Nederlanda
Fødd	28. oktober 1942 (82 år) Binnenmaas
Yrke	skøyteløpar
Høgd	171 centimeter
Kees Verkerk på Commons

Cornelis Arie Verkerk (fødd 28. oktober 1942), kjend som Kees Verkerk, er ein nederlandsk tidlegare skeiseløpar frå Maasdam. Han vart verdsmeister på skeiser i 1966 og 1967, europameister 1967 og i 1968 olympisk meister på 1500 meter. Verkerk er gift med ei norsk kvinne og busett i Kristiansand.

Verkerk slo gjennom i 1964-sesongen då han noko overraskande vann sølvmedaljen på 1500 m under Vinter-OL 1964 i Innsbruck. To vintrar seinare vart han verdsmeister i Göteborg og kom på andreplass ved EM i Deventer. I 1967 tok han både EM-tittelen i Lahti og forsvarte VM-tittelen i Oslo. Verkerk vann så gullmedaljen på 1500 m og tok sølv på 5 000 m då Vinter-OL 1968 fann stad i Grenoble. I 1969-sesongen måtte han nøye seg med EM-sølv og VM-bronse i firkampen. Den sistnemnde medaljeplassen kopierte han både ved firkamp-VM 1970 og 1971, samt i EM 1971. Han sikra seg si siste internasjonale medalje under Vinter-OL 1972 i Sapporo, sølvmedaljen på 10 000 meter.

I tida frå februar 1967 til mars 1970 sette Verkerk åtte verdsrekordar i skeiseløp. Tre av rekordane kom på 1500 m, to på kvar av 5 000 m og i firkamp, og ein på 10 000 meter.

Kjelder

• (en) Kees Verkerk – Profil og resultatoversikt i olympiske konkurransar på sports-reference.com.

• Denne artikkelen bygger på «Kees Verkerk» frå Wikipedia på nederlandsk, den 3. november 2016.