Leo Visser

	Leo Visser
	;
Statsborgarskap	Kongeriket Nederlanda
Fødd	13. januar 1966 (58 år); Haastrecht
Yrke	skøyteløpar, flygar
Ektefelle	Sandra Voetelink
	Leo Visser på Commons

Leendert Visser, kjend som Leo Visser, (fødd 13. januar 1966) er ein nederlandsk tidlegare skeiseløpar frå Haastrecht. Han vart både europameister og verdsmeister i firkamp i 1989-sesongen.

Visser vart i 1988 andremann både i EM i Haag og firkamp-VM i Alma Ata. Mellom dei to meisterskapane tok han sølvmedaljen på 5 000 m og bronsen på 10 000 meter under dei olympiske vinterleikane i Calgary. Sesongen etter var han den suverene einaren både under EM i Göteborg og firkamp-VM i Oslo.

I 1990 enda Visser på tredjeplass då EM fann stad i Heerenveen, vinteren etter kleiv han opp på andreplass på sigerspallen ved EM i Sarajevo. Frå Vinter-OL 1992 i Albertville reiste han heim med to bronsemedaljar, vunne på høvesvis 1500 meter og 5 000 meter.

Visser sette to verdsrekordar, begge i 1987-sesongen.

Også kona Sandra Voetelink var ein habil skeiseløpar.

Kjelder[endre | endre wikiteksten]

Denne artikkelen bygger på «Leo Visser (schaatser)» frå Wikipedia på nederlandsk, den 5. november 2016.