Marco Tardelli

Marco Tardelli
	Marco Tardelli i 1975
Personleg informasjon
Fullt namn	Marco Tardelli
Fødd	24. september 1954 (70 år)
Fødestad	Capanne di Ciareggine i Italia
Høgd	178 cm
Posisjon	Midtbane, forsvar
Seniorkarriere*
Landslag
	* Seniorklubbkampar og mål berre telt for nasjonal liga

Marco Tardelli, (fødd 24. september 1954 i Capanne di Careggine i Toscana) er ein italiensk tidlegare fotballspelar og seinare trenar. Han var ein av dei sentrale spelarane på Italia sitt lag som vann VM-gull under VM i fotball 1982. Tardelli skåra mellom anna eitt av måla i finalen mot Vest-Tyskland. Gjennom ti års spel på Juventus var han med å vinne alle dei tre store cupane i europeisk fotball. Tardelli var ein drivande midtbanespelar som deltok både offensivt og defensivt.^[1] Etter si tid som aktiv har Tardelli arbeidd som trenar, mellom anna for det italienske U21-laget.

Klubbspel

Tardelli debuterte i 1972 i Pisa SC i Serie C og spela sidan i Serie B-klubben AC Como. I 1975 fekk han kontrakt med Juventus, der han hadde sine beste år som fotballspelar. Han vart fleire gongar italiensk serie- og cupmeister og var med å vinne høvesvis UEFA-cupen i 1977, Cupvinnarcupen i 1984 og Europacupen i 1985.

Etter ti år, 259 kampar og 34 mål, flytta Tardelli i 1985 frå Juventus for spel i Inter. Han spela to sesongar i Inter, før han avslutta som profesonell fotballspelar med ein sesong i FC St. Gallen i Sveits.

Landslagspel

År 1976 debuterte Tardelli for Italia under Enzo Bearzot mot Portugal. To år seinare var han med i Italias VM-lag som kom på fjerdeplassen under VM i Argentina. I 1980 var Tardelli med på laget som vart EM-firar på heimebane.

Hans store stund på landslaget kom under VM 1982, då han var ein nøkkelspelar på det Italia som vann landets tredje VM-tittel. Tardelli vart på sett og vis matchvinnar då han i andre omgangen la på til 2-0, kampen enda med 3-1 til Italia over Vest-Tyskland. Langskotet hans utløyste vill glede; Tardelli sprang mot den italienske innbytarbenken bankande mot brystkassa og skreik «mål!, mål!».^[2]^[3] Han i spela sin 81. og siste landskamp mot Noreg hausten 1985, ein kamp som overraskande enda med norsk siger 2-1. Tardelli var med i VM-tropppa 1986, men spela ikkje i meisterskapen.

Trenar

Tardelli har mellom anna vore trenar for AC Cesena, Italias U21-landslag, Inter og AS Bari. I 2000 leia han U21-landslaget til siger i den europeiske meisterskapen for ungdomslag. Han var ein kort periode landslagtrenar for Egypt. I 2008 vart han assistenten til landslagstrenar Giovanni Trapattoni for Irland.

Merittar

VM-gull i 1982
Vinnar av Europacupen 1985 med Juventus
Vinnar av Cupvinnarcupen 1984 med Juventus
Vinnar av UEFA-cupen 1977 med Juventus
Italiensk seriemeister 1977, 1978, 1981, 1982 og 1984 med Juventus
Italiensk cupmeister 1979 og 1983 med Juventus

Kjelder

↑ http://en.wikipedia.org/wiki/Marco_Tardelli
↑ The Independent: The most memorable goal celebrations: 'Tardelli Cry'
↑ John F. Molinaro (13 May 2010). «World Cup memories: Tardelli's celebration, 1982». CBC Sports.

Denne artikkelen bygger på «Marco Tardelli» frå Wikipedia på svensk, den 24. juni 2012.

[1] ttp://en.wikipedia.org/wiki/Marco_Tardelli

[2] The Independent: The most memorable goal celebrations: 'Tardelli Cry'

[3] John F. Molinaro (13 May 2010). «World Cup memories: Tardelli's celebration, 1982». CBC Sports.

[1]

[2]

[3]

v d e Italia sitt landslag – VM i fotball 1986
1 Galli 2 Bergomi 3 Cabrini 4 Collovati 5 Nela 6 Scirea (kaptein) 7 Tricella 8 Vierchowod 9 Ancelotti 10 Bagni 11 Baresi 12 Tancredi 13 De Napoli 14 Di Gennaro 15 Tardelli 16 Conti 17 Vialli 18 Altobelli 19 Galderisi 20 Rossi 21 Serena 22 Zenga Landslagstrenar: Bearzot