Dino Zoff

Dino Zoff

Personleg informasjon
Kallenamn	Dino Nazionale
Fødd	28. februar 1942 (84 år)
Fødestad	Mariano del Friuli i Italia
Høgd	182 cm
Posisjon	Målvakt
Ungdomsklubbar
	Udinese Calcio
Seniorkarriere*
År	Lag	Kampar	(Mål)
1961–1963	Udinese	38	(0)
1963–1967	Mantova	131	(0)
1967–1972	Napoli	143	(0)
1972–1983	Juventus	330	(0)
Landslag
1968–1983	Italia	112	(0)
Trenar for
1988–1990	Juventus
1990–1994	Lazio
1996–1997	Lazio
2001	Lazio
2005	Fiorentina
Landslagstrenar for
1998–2000	Italia
* Seniorklubbkampar og mål berre telt for nasjonal liga og oppdatert 17. mai 2007 ‡ Landslagsmål oppdatert 17. mai 2007

Dino Zoff (fødd 28. februar 1942 i Mariano del Friuli i provinsen Gorizia) er ein italiensk tidlegare fotballkeeper og -trenar. Han var kaptein for Italia då landet under VM i fotball 1982 vann sin tredje VM-tittel.

Karriere som spelar

Zoff spelte 112 landskampar og deltok i fire verdsmeisterskap. I 1982 krona han den 22-årige karrieren som 40-åring ved å vinne VM i Spania. Han er den eldste fotballspelaren som er blitt verdsmeister (per 2009).

Zoff sette fleire rekordar i løpet av karrieren, mellom anna spelte han i perioden frå 20. september 1972 og 15. juni 1974 heile 1143 minutt på landslaget utan å sleppe inn mål. For klubben Juventus spelte han kvar einaste seriekamp 330 serierundar på rad. Han spelte i alt 570 Serie A-kampar.

Trenarkarriere

Som trenar vann Dino Zoff UEFA-cupen 1989/90 med Juventus. Seinare trente han Lazio og Fiorentina. Etter VM 1998 overtok han treneransvaret for det italienske landslaget etter [Cesare Maldini, og to år seinare tok Italia sølv i EM. Etter tapet (1-2) mot Frankrike på Golden Goal trekte han seg som landslagstrenar same kveld. Etterfølgjaren til Zoff vart Giovanni Trapattoni.

Kjelder

• Denne artikkelen bygger på «Dino Zoff» frå Wikipedia på bokmål, den 31. mai 2009.