Franco Baresi

Frå Wikipedia – det frie oppslagsverket
Hopp til navigering Hopp til søk
Franco Baresi
Franco Baresi 2012.jpg
Franco Baresi i 2012
Personleg informasjon
Fullt namn Franchino Baresi
Fødselsdato 8. mai 1960 (59 år)
Fødestad Travgliato i Italia
Høgd 176 cm
Posisjon Forsvarsspelar
Seniorkarriere*
År Lag Kampar (Mål)
1977-1997 Milan 531 (16)
Landslag
1982-1994 Italia 81 (1)
* Seniorklubbkampar og mål berre telt for nasjonal liga

Franco Baresi (fødd 8. mai 1960) er ein italiensk tidlegare fotballspelar frå Travagliato i Brescia-provinsen, som spela for AC Milan frå 1978 til 1997. I løpet av si tid som aktiv var han med å vinne Europacupen to gongar og oppfylgjaren Meisterligaen ein gong, dessutan fekk han med seg seks seriemeisterskap for klubben. Med Italias landslag vann han sølvmedalje og bronsemedalje i verdsmeisterskapen i fotball i høvesvis 1994 og 1990. Baresi spela midtstoppar i ei libero-rolle, og har vorte rekna som ein av dei beste forsvarsspelarane nokon gong.

Karriere[endre | endre wikiteksten]

Klubbspel[endre | endre wikiteksten]

Baresi debuterte for AC Milan i april 1978, og fekk snøgt plass i fyrsteellevaren til klubben. Allereie i sin fyrste heile sesong, 1978/79, kunne han innkassere ein triumf då Milan vann Serie A. Fyrst ni år seinare fekk Baresi oppleve å verte seriemeister på ny, då som kaptein for Milan, ein posisjon han hadde frå han var 22 år til han la opp.

Både i 1989 og 1990 vann Milan Europacupen i fotball. Med mellom andre dei nederlandske toppspelarane Ruud Gullit, Marco van Basten og Frank Rijkaard på laget vart det 4-0 siger over Steaua București i 1989-finalen og 1-0 over Benfica i 1990. Baresi hamna elles i 1989 på andreplass i avrøystinga som utnemnde lagkameraten Basten til Årets fotballspelar i Europa.

Perioden 1992-94 tok AC Milan o Baresi tre strake seriegull i Italia. 1994-sesongen vart elles kruna med at Milan gjekk sigrande ut av Meisterligaen, etter i finalen i Athen å ha «feia» FC Barcelona av bana med 4-0. To år seinare vann Baresi si sjette og siste gullmedalje i den italienske serien. Då 1997-sesongen var over la han opp etter i alt 719 obligatoriske kampar for AC Milan.

Landslagsspel[endre | endre wikiteksten]

Landslagsdebuten fekk Baresi i desember 1982, men det var fyrst hausten 1986 han hadder sikker plass i forsvarsrekka til Italia. Han deltok i fotball-EM 1988 der Italia vart slått ut i semifinalane av Russland, og i VM i fotball 1990 på italiensk heimegrunn. På fotballstadion i Napoli tapte Italia semifinalen mot Argentina på straffeskyting, men lukkast vinne bronsefinalen mot England i Bari med 2-1.

Den 5. juni 1991 vart Italia slått av Noregs landslag med 2-1 i ein EM-kvalifiseringskamp. Mange norske fotballinteresserte vil hugse at Baresi på Ullevaal stadion vart rundlurt av Lars Bohinen då Noreg gjekk opp til 2-1. Tre år seinare var han kaptein for eit defensivt Italia som spela seg fram til finale mot Brasil i VM 1994. Kampen enda utan skåringar. I den påfylgjande straffetevlinga opna Baresi for Italia med å bomme, og trass i at spelarar på begge laga mislukkast i sine forsøk, enda det heile med brasiliansk siger. To månader etter VM-finalen spela Baresi sin 81. og siste landskamp for Italia, han skåra sitt einaste landslagsmål i 1987.

Merittar[endre | endre wikiteksten]

  • VM-sølv 1994 for Italia
  • VM-bronse 1990 for Ialia
  • Vinnar av Europacupen 1989 og 1990 med AC Milan
  • Vinnar av Meisterligaen 1994 med AC Milan
  • Italiensk seriemeister 1979, 1988, 1992, 1993, 1994 og 1996 med AC Milan

Kjelder[endre | endre wikiteksten]

  • (en) Franco Baresi – Profil og resultatoversikt i olympiske konkurransar på sports-reference.com.