Mardi Gras av Creedence Clearwater Revival

Mardi Gras Studioalbum av Creedence Clearwater Revival
Språk	engelsk
Utgjeve	11. april 1972
Innspelt	våren 1971, januar 1972
Studio	Wally Heider Studios i San Francisco Fantasy Records Studio A i Berkeley i California
Sjanger	Countryrock swamp rock
Lengd	28:04
Selskap	Fantasy
Produsent	Doug Clifford Stu Cook John Fogerty
Creedence Clearwater Revival-kronologi
Pendulum (1970)	Mardi Gras	Creedence Gold (1972)
Singlar frå Mardi Gras
«Sweet Hitch-Hiker»/«Door to Door» Utgjeve: July 1971 (U.S.) «Someday Never Comes»/«Tearin' up the Country» Utgjeve: May 1972 (U.S.)

Meldingar
Karakter
Kjelde	Karakter
AllMusic
Christgau's Record Guide	B
Creem	A–

Mardi Gras er det sjuande og siste studioalbumet til det amerikanske rockebandet Creedence Clearwater Revival, utgjeve i 1972. Det vart spelt inn etter at gitaristen «Tom Fogerty» slutta, og var det eianste albumet deira som trio. Medlemmane delte òg solovokal på utvalde spor. Gruppa vart oppløyst etter at albumet kom ut.

Oversyn

I motsetnad til tidlegare album, delte Stu Cook og Doug Clifford låtskrivinga og produsentrolla med John Fogerty på Mardi Gras, i tillegg til at dei song solo for første gongen. Meldingane var middels til dårlege, og Jon Landau skreiv i den originale meldinga i Rolling Stone at plata var «det verste albumet eg nokon gong har høyrt frå eit stort rockeband», og kunne i framtida bli kjend som «Fogertys hemn». Etter albumet kom ut, vart gruppa offisielt oppløyst 16. oktober 1972 i ei pressemelding av gruppa og plateselskapet Fantasy Records. Mardi Gras er det einaste albumet deira som ikkje er blitt ommastra og gjeve ut på nytt i høve 40-årsjubileet deira.

Produksjon

Tidlegare hadde frontmannen John Fogerty sunge all solovokal og skrive nesten alt av songar for bandet. Den eldre broren hans Tom Fogerty hadde nettopp slutta i bandet etter ein krangel med broren og ønske om større kunstnarisk kontroll i gruppa.

På dette albumet delte Stu Cook og Doug Clifford låtskrivinga, synginga og produseringa. Fogerty medverka berre med tre originale songar og song på ein coverversjon av «Hello Mary Lou». Clifford og Cook skreiv og song kvar tre songar. Albumet selde ganske bra og nådde 12. plassen på den amerikanske albumlista, og oppnådde gullplate. Dette var derimot svakare salstal enn for dei førre albuma. Albumet inneheldt to singlar som nådde Topp 40 i USA, begge skrivne av Fogerty: «Sweet Hitch-Hiker» og svanesongen «Someday Never Comes».

Alle songane vart spelte inn i januar 1972, utanom «Door to Door» og «Sweet Hitch-Hiker» som vart spelte inn på våren.

Innspelinga av Mardi Gras var plaga av mykje krangling. I følgje Stu Cook og Doug Clifford var det Fogerty sin ide at alle i bandet skulle bidra likt til albumet, sjølv om dei sjølv ikkje ønskte dette. Dei trur han var bitter over at broren Tom hadde slutta og at dei alltid hadde bede om å få meir å seie i dei musikalske avgjerslene i bandet, og at han derfor såg etter ei årsak til å legge ned CCR og starte ein solokarriere. Då Clifford og Cook sa seg misnøgde med å ideen om å bidra med 2/3 av albumet, truga Fogerty med å slutte i bandet der og då. I tillegg nekta Fogerty å spele noko anna enn gitar på songane deira. Alle andre instrument og vokal var opp til dei. Heile innspelingsprosessen førte til at bandet vart oppløyst. Cook og Clifford fortsette å arbeidde i lag etter CCR og danna seinare Creedence Clearwater Revisited.

Mardi Gras vart ommastra på 180-grams vinyl av Analogue Productions i 2006. Ei anna ommastra utgåve kom ut i Japan i januar 2011, men det kom ikkje ut som eit eige album i høve 40-årsjubileet deira, slik dei andre albuma hadde blitt.

Innhald

Side ein

Nr.	Tittel	Låtskrivar(ar)	Songar	Lengd
1.	«Lookin' for a Reason»	John Fogerty	John Fogerty	3:28
2.	«Take It Like a Friend»	Stu Cook	Stu Cook	3:00
3.	«Need Someone to Hold»	Stu Cook, Doug Clifford	Doug Clifford	3:01
4.	«Tearin' Up the Country»	Doug Clifford	Doug Clifford	2:15
5.	«Someday Never Comes»	John Fogerty	John Fogerty	4:01

Side to

Nr.	Tittel	Låtskrivar(ar)	Songar	Lengd
1.	«What Are You Gonna Do»	Doug Clifford	Doug Clifford	2:42
2.	«Sail Away»	Stu Cook	Stu Cook	2:28
3.	«Hello Mary Lou»	Gene Pitney, Cayet Mangiaracina	John Fogerty	2:14
4.	«Door to Door»	Stu Cook	Stu Cook	2:09
5.	«Sweet Hitch-Hiker»	John Fogerty	John Fogerty	2:59

Medverkande

• Doug Clifford - trommer, vokal
• Stu Cook - bass, rytmegitar, sologitar, piano, vokal
• John Fogerty - sologitar, rytmegitar, klaverinstrument, vokal

Produksjon

• Produsentar: Doug Clifford, Stu Cook, John Fogerty
• Lydteknikarar: Russ Gary, Kevin L. Gray, Steve Hoffman

Salslister

Album

År	Liste	Plassering
1972	US Billboard Top 200	12
	Tyskland	10
	Noreg	5
	Nederland	2

Singlar

År	Singel	Plassering
		Pop Singles	UK Top 40
Juli 1971	"Sweet Hitch-Hiker"/ "Door to Door"	#6	#36
Mars 1972	"Someday Never Comes"/ "Tearin' Up the Country"	#25

Kjelder

• Denne artikkelen bygger på «Mardi Gras (album)» frå Wikipedia på engelsk, den 17. august 2013.
  • Wikipedia på engelsk oppgav desse kjeldene: