Timiș

Frå Wikipedia – det frie oppslagsverket
Timiș
Tamiš (Тамиш)
elv
Pancevo Tamis.JPG
Tamiš nær Pančevo
Land Flag of Romania.svg Romania, Flag of Serbia.svg Serbia
Nedslagsfelt 13 085 km²
Renn gjennom Sfântu Gheorghe, Râmnicu Vâlcea, Slatina
Lengd 359 km
Middelvassføring 47 /s
Kjelde Semenicfjella i Trei Ape i Romania
 - høgd 1 440 moh.
Munning Donau, nær Pančevo i Serbia

Timiș
45°12′51″ N 22°8′43″ E
Kart med Timiș innteikna
Kart med Timiș innteikna
Wikimedia Commons: Timiș River
Flaum i Jaša Tomić i 2005

Timiș eller Tamiš er ei 359 km lang elv i Romania og Serbia. Ho spring ut frå Semenicfjella, sør i Karpatane i Caraş-Severin fylke i Romania. Frå her renn ho gjennom regionen Banat region og munnar ut i Donau nær Pančevo, nord i Serbia.

Namn[endre | endre wikiteksten]

Elva har ei rekkje liknande namn på lokale språk: Rumensk Timiș, serbisk Тамиш eller Tamiš, tysk Temesch og ungarsk Temes. I antikken vart elva kalla Tibiscus og Tibisis.

Kjenneteikn[endre | endre wikiteksten]

Elva har eit nedslagsfelt på 13 085 km² (8085 km² i Romania, 5000 km² i Serbia). Via Donau høyrer elva til Svartehavet sitt nedslagsfelt.

Elva startar frå innsjøen Trei Ape der elvane Brebu, Grădiştea og Semenic renn ut. Etter å ha kome inn i Banat flyt ho sakte og svingar seg over slettene. I regntunge periodar fører ho ofte til flaum i dette området. Flaumen i 2005 råka særleg hardt då landsbyane Boka og Jaša Tomić fekk store skadar. I april 2005 vart elva målt 8,44 m over normalt nivå, det høgaste som er målt i elva. Våren 2007 byrja arbeidet med å vollar langs elvebreidda for å hindre fleire flaumar her.[1]

I den nedre delen er elva regulert og dei siste 53 km er det mogeleg med skipsfart. Den viktigaste hamna er industribyen Pančevo.

Sideelvar[endre | endre wikiteksten]

241 km av elva renn gjennom Romania og her mottar ho fleire mindre sideelvar: Râul Rece, Slatina, Valea Mare, Măcicaș, Pârâul Lung, Armeniș, Sebeș, Bistra, Șurgani, Timișana, Pogăniș, Timișul Mort og Vena Mare. 118 km renn i Serbia og her mottar ho berre ei større sideelv, Brzava, som òg er den største sideelva hennar.

Byar[endre | endre wikiteksten]

Dei største byane Caransebeș og Lugoj i Romania.

Kjelder[endre | endre wikiteksten]

  1. Politika, 5. mai 2007, s. 08
  • Denne artikkelen bygger på «Timiș River» frå Wikipedia på engelsk, den 4. juli 2008.
  • Mala Prosvetina Enciklopedija, Third edition (1985); Prosveta; ISBN 86-07-00001-2
  • Jovan Đ. Marković (1990): Enciklopedijski geografski leksikon Jugoslavije; Svjetlost-Sarajevo; ISBN 86-01-02651-6
  • Administrația Națională Apelor Române - Cadastrul Apelor - București
  • Institutul de Meteorologie și Hidrologie - Rîurile României - București 1971
  • Trasee turistice - județul Timiș [1]