Andreas Widhölzl

Frå Wikipedia – det frie oppslagsverket
Hopp til navigering Hopp til søk
Andreas Widhölzl
Andreas Widhölzl 2006 (2).jpg
Fødd 14. oktober 1976
St. Johann in Tirol
Yrke skihoppar
Andreas Widhölzl på Commons

Andreas Widhölzl (fødd 14. oktober 1976) er ein austerriksk, tidlegare skihoppar frå i Fieberbrunn i forbundslandet Tirol, og representerte skiklubben der.

I sesongen 1999/2000 kom han på andre plass, og to gonger (sesongane 1997/98 og 2002/03) har han kome på tredje plass i verdscupen i hopp. Under OL i 1998 tok han bronse i normalbakken, og under VM på ski 2005 i Oberstdorf var han med på å ta gull for Austerrike i lagkonkurransen i normalbakken.

Under OL 2006 i Torino var han med på å sikra austerriksk gull i laghoppinga.

Widhölzl har òg to andreplassar frå verdsmeisterskapen i skiflyging, i 2000 og 2006. I 1999/2000 vann han den tysk-austerrikske hoppveka.

Han mista plassen på det austerrikske laget før sesongen 07/08, og fekk han ikkje tilbake, trass stor suksess i Kontinentalcupen. Etter at han ikkje kvalifiserte seg til rennet i Planica i 2008, valde han å legga opp som skihoppar.