Sven Hannawald

Sven Hannawald
Fødd	9. november 1974 Erlabrunn
Idrett	skihopping, Fotball
Yrke	skihoppar, fotballspelar, racerfører

Sven Hannawald (fødd 9. november 1974) er ein tidlegare tysk skihoppar.

I sesongen 1998/99 kom han på 5. plass i verdscupen samanlagt. I 2000 blei han for fyrste gong verdsmeister i skiflyging i Vikersund.

Vinteren 2001/2002 blei Hannawalds største sesong. Som første hoppar i historia, vann han alle fire enkeltrenna i hoppveka. Som første hoppar forsvarte han verdsmeistertittelen i skiflyging, og under OL i Salt Lake City vann han gull i lagkonkurransen og sølv individuelt. I verdscupen kom han på 2. plass.

I sesongen 2003/2004 gjekk det tyngre enn venta, det beste resultatet blei 4. plass i Trondheim.

Våren 2004 blei det kjent at Hannawald leid av såkalla utbrentheit, og at han mottok behandling på ein spesialklinikk. Han la offisielt opp i 2006, etter 2 års fråvære frå verdscupen. Han orka ikkje å trena seg opp igjen, og jobbar nå som ekspertkommentator for tysk fjernsyn.

Nåverande bakkerekordar:

• Zakopane (145 m)

• Titisee Neustadt (145 m)

• Čerťák (212 m)

• Kulm (214 m) (Cristian Nagiller fall på 220)

Hannawald bur i Berlin.

Kjelder

• Denne artikkelen bygger på «Sven Hannawald» frå Wikipedia på bokmål, den 13. desember 2008.