Frosta kommune

Frosta kommune
kommune
Kommunevåpen
Land	Noreg
Fylke	Trøndelag
Adm.senter	Frosta
Areal	76 km²
- land	74 km²
- vatn	2 km²
Folketal	2 616 (1. januar 2018)
Folketettleik	35 / km²
Målform	nøytral
Ordførar	Trine Haug (Sp)
Kommunenr.	5036
Wikimedia Commons: Frosta
Nettstad: www.frosta.kommune.no

Frosta er ein kommune i Trøndelag fylke. Han ligg på halvøya som stikk ut i Trondheimsfjorden, mellom Åsenfjorden og hovudfjorden, og grensar i aust til Levanger kommune. Tautra er ei øy som høyrer til Frosta kommune og ligg i Trondheimsfjorden mellom kommunesenteret Frosta og Leksvik. Hovudnæringa i kommunen er jordbruk.

To vegar fører til Frosta, fylkesveg 753 går frå europaveg 6 i Åsen i Levanger til Mostad på Frosta. Denne vegen går gjennom Frostaporten, ein tunell som er 287 meter lang. Den andre vegen er fylkesveg 6818 som går frå Skogn over Ekne og til Juberg på Frosta.

Historie

• Frostating det eldste lagtinget i Noreg.
• Logtun kyrkje ei steinkyrkje frå 1100-talet ligg i nærleiken av tinghaugen.
• På Tautra låg eit cisterciensarkloster, Tautra kloster, som vart skipa i 1207 og avvikla rundt 1536 da reformasjonen kom.
• I 1999 vart eit nytt kloster av same orden for nonner opna.
• Dronning Sonja la ned grunnsteinen for eit heilt nytt kloster 8. mai 2003 og som vart teken i bruk 11. juli 2006.
• Kommunevåpenet viser kong Magnus Lagabøter med eit liljesepter i venstre handa når han gir den nye Frostatingslova til lagmannen på Frostatinget i 1274.
• Vikinghamna på Fånestangen frå år 1000, eller litt seinare vart funnen i 2003.

Politikk

Kommunevalet 2007

Frosta sett frå Hellan mot Trondheim

Parti	Prosent		Stemmer		Plassar i by-/kommunestyret		Medlemmer i formannskapet
	%	±	totalt	±	totalt	±
Arbeiderpartiet	20,0	-2,5	244	-14	4	-1	1
Sosialistisk Venstreparti	6,4	1,1	78	17	1	0	0
Senterpartiet	23,2	-11,8	283	-119	5	-2	1
Kristeleg Folkeparti	6,3	-1,5	77	-13	1	-1	0
Venstre	6,3	-4,3	77	-45	1	-1	1
Høyre	37,8	19,1	462	247	9	5	2
Valdeltaking/Total	65,1%		1221		21		5
Ordførar: Lars Myraune (Høyre)				Varaordførar: Ola Aursand (Arbeiderpartiet)

Nøkkeltal

• Areal: 75 km².
• Jordbruksareal: 23 km².
• Produktiv skog: 31 km².
• Folketal: 2458 (1. oktober 2006)
• Høgste punkt: Storheia, 368 moh.
• Største vatten: Hovdalsvattnet 3 km².

Innbyggjarar fordelt på næringar. (1980)

• Jordbruk, skogbruk og fiske: 45 %
• Industri: 9 %
• Bygg- og anleggsverksemd: 7 %
• Handelsverksemd: 9 %
• Samferdsle: 6 %
• Andre tjenesteytande verksemd: 24 %

Kjende frostingar

• Vidar Riseth, profesjonell fotballspelar.
• Karin Pettersen, handballspelar.
• Kristin Jensen, musikar.

Bakgrunnsstoff

• Frostaporten
• Frosta sine heimesider
• Tautra Mariakloster
• Lokalavisa Frostingen
• Vikingehamna på Fånestangen