Hohe Tauern

Frå Wikipedia – det frie oppslagsverket
Gå til: navigering, søk
Glockner-massivet, sett frå nord
Venediger-massivet
Hochalmspitze i Ankogel-massivet
Schober-massivet

Hohe Tauern er den høgaste fjellkjeda i Alpane aust for Brennerpasset. og inneheld dei høgaste fjella i Austerrike. Ho går gjennom dei austerrikske forbundslanda Salzburg, Kärnten og Tirol, i tillegg til delar av Sør-Tyrol i Italia.

Kjeda grensar til Salzach-dalen i nord (med Kitzbühelalpane på andre sida) Mura-dalen og Murtörl-passet i aust (som skil Hohe Tauern frå Niedere Tauern), Drava-dalen i sør (med Dei sørlege kalksteinsalpane på andre sida), og Birnlücke-passet i vest (med Zillertalalpane på andre sida).

Dei viktigaste områda er (frå vest til aust):

Områda i Hohe Tauern som ligg sør for hovudkjeda i Alpane er:

Namnet «Hohe Tauern» tydde opphavleg «høge fjellovergangar», men vart brukt om sjølve fjella då ein dreiv med gruvedrift her i Mellomalderen.

I sentrum av området ligg nasjonalparken Hohe Tauern. Området er 1 800 km² og er den største av seks nasjonalparkar i Austerrike. Han er delt inn i ein kjernesone (der bygg- og anleggsverksemd er totalforbode) og ei randsone som vert nytta til skogbruk og setrar.

Turismen har berre auka minimalt etter at nasjonalparken vart oppretta, men har vorte mindre skadeleg på omgivnadane. Då ein oppretta nasjonalparken var det lagt vekt på at den tradisjonelle levemåten i området skulle bevarast.

Fjelltoppar[endre | endre wikiteksten]

Großvenediger, sett frå Zugspitze i nordvest
Hochgall, sett frå nord

Dei høgste fjelltoppane i Hohe Tauern er:

Fjelltopp Område Høgd Fjelltopp Område Høgd
Großglockner Glockner 3 798 Hochalmspitze Ankogel 3 360
Glocknerwand Glockner 3 721 Schneebiger Nock Rieserferner 3 358
Großvenediger Venediger 3 657 Hohe Dock Glockner 3 348
Großes Wiesbachhorn Glockner 3 564 Fuscherkarkopf Glockner 3 331
Rainerhorn Venediger 3 559 Großelendkopf Ankogel 3 317
Dreiherrnspitze Venediger 3 499 Weißspitze Venediger 3 300
Rötspitze Venediger 3 496 Keeskogel Venediger 3 291
Simonyspitze Venediger 3 473 Schlieferspitze Venediger 3 290
Schneewinkelkopf Glockner 3 472 Petzeck Schober 3 283
Kleinvenediger Venediger 3 468 Rote Knopf Schober 3 281
Johannisberg Glockner 3 453 Wildgall Rieserferner 3 273
Hochgall Rieserferner 3 436 Magerstein Rieserferner 3 273
Klockerin Glockner 3 422 Hocharn Goldberg 3 254
Hintere Bratschenkopf Glockner 3 413 Ankogel Ankogel 3 252
Daberspitze Venediger 3 402 Große Hornkopf Schober 3 251
Große Bärenkopf Glockner 3 396 Hohe Fürleg Venediger 3 243
Hohe Eichham Venediger 3 371 Hochschober Schober 3 240
Hohe Tenn Glockner 3 368 Lenkstein Rieserferner 3 236
Malhamspitze Venediger 3 368 Große Muntanitz Granatspitz 3 232
Große Geiger Venediger 3 360 Kitzsteinhorn Glockner 3 204

Koordinatar: 47°10′N 12°30′E

Kjelder[endre | endre wikiteksten]