Kari Nessa Nordtun
| Kari Nessa Nordtun | |||
| Fødd | 7. juni 1986 (37 år) Stavanger kommune | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | politikar, advokat | ||
| Institusjonar | Advokatfirmaet Elden | ||
| Utdanna ved | Det juridiske fakultetet ved Universitetet i Bergen | ||
| Far | Tore Nordtun | ||
| Verv | Ordførar i Stavanger | ||
| Føregangar | Christine Sagen Helgø | ||
| Etterfylgjar | Sissel Knutsen Hegdal | ||
| Alle verv |
| ||
Kari Nessa Nordtun (fødd 7. juni 1986) er ein norsk politikar for Arbeidarpartiet som var ordførar i Stavanger kommune frå oktober 2019 til oktober 2023.[1][2] Sidan oktober 2023 har ho vore kunnskapsminister i regjeringa Støre.[3][4]
Liv og virke[endre | endre wikiteksten]
Bakgrunn[endre | endre wikiteksten]
Kari Nessa Nordtun er dotter av den tidlegare ordføraren i Stavanger og stortingsrepresentant for Arbeidarpartiet Tore Nordtun. Nessa Nordtun var elev ved Stavanger katedralskule.[5]
Advokat[endre | endre wikiteksten]
Nordtun er utdanna jurist ved Universitetet i Bergen. Etter ho fullførte utdanninga si yrkte ho som advokatfullmektig og seinare som advokat for advokatfirmaet Sjødin, Meling & Co, og dinest for advokatfirmaet Elden DA. I samband med 22 juli-saka var Nordtun mellom anna bistandsadvokat for fornærma og etterlatne. Ho har permisjon frå yrket som advokat for å driva politisk arbeid.[6]
Politisk karriere[endre | endre wikiteksten]
Nordtun har vore folkevald i Stavanger bystyre sidan 2011. Ho har vore medlem av formannskapet i Stavanger frå 2013, kommunalutvalet frå 2015 og kommunalstyret for byutvikling i Stavanger frå 2015. Frå januar 2017 var ho gruppeleiar for Stavanger Arbeiderparti si bystyregruppe.
Kommunevalet i 2019[endre | endre wikiteksten]
Ved kommunevalet 2019 vart Arbeiderpartiet det største partiet i Stavanger med 25,4 % av røystene. Partiet gjekk veikt tilbake, men mykje mindre tilbake enn i resten av landet og fekk ved valet høgare oppslutnad i Stavanger enn i Oslo, Bergen og Trondheim. Etter valet leia Nordtun ein fleirtalskoalisjon med støtte frå Folkeaksjonen Nei til mer Bompenger, MDG, Raudt, Senterpartiet og SV.[7]
Kommunevalet i 2023[endre | endre wikiteksten]
Medan oppslutnaden til Arbeidarpartiet gjekk markant ned fleire stader i landet, ende Arbeidarpartiet i Stavanger til topps med 32,1 % oppslutnad, og vart det største partiet i Stavanger ved kommunevalet i 2023.[8][9] Noko av årsaka til den høge oppslutnaden kunne skuldast innføringa av gratis kollektiv månader før valet.[10] Arbeidarpartiet greidde likevel ikkje å danna eit formannskap.[9][11]
Ved valet, både i 2019 og 2023, fekk Nessa Nordtun flest personstemmer i kommunen.[12][13]
Statsråd[endre | endre wikiteksten]
Etter at ho gjekk av som ordførar i Stavanger, vart ho tilbode ministerpost i regjeringa Støre. Ho vart utnemnd til kunnskapsminister den 16. oktober 2023.[3]
Kjelder[endre | endre wikiteksten]
- ↑ Brandvold, Åse: «– Et vinnende vesen». Portrettintervju med Kari Nessa Nordtun i Klassekampen 21. september 2019.
- ↑ Bruland, Tore (21. oktober 2019). «Kari Nessa Nordtun valgt til ny ordfører». Rogalands Avis. Henta 1. juli 2020.
- ↑ 3,0 3,1 «Endringar i regjeringa». Regjeringen.no. Henta 16. oktober 2023.
- ↑ Hedda Kurseth & Vilde Helljesen. «Her er Støre sine nye statsrådar». NRK. Henta 16. oktober 2023.
- ↑ Stavanger Aftenblad: "Man kan ikke utsette alle gamle bygg for 2022-tenkemåte". 4. november 2022, s. 9.
- ↑ «Kari Nessa Nordtun - Advokatfirmaet Elden DA». www.elden.no. Arkivert frå originalen 8. oktober 2017. Henta 7. oktober 2017.
- ↑ Tvedt, Knut Are (21. april 2023). «Kari Nessa Nordtun». Store norske leksikon (på norsk).
- ↑ «Valgresultat», www.valgresultat.no, henta 15. oktober 2023
- ↑ 9,0 9,1 «Stavanger er ikke lenger en blå by», Dagsavisen (på norsk), 24. september 2023, henta 15. oktober 2023
- ↑ «Jubler for «Kari-effekten»: Kan gi sjokktall for Ap», www.vg.no (på norsk bokmål), 8. september 2023, henta 15. oktober 2023
- ↑ «Blått flertall i Stavanger», www.vg.no (på norsk bokmål), 11. september 2023, henta 15. oktober 2023
- ↑ «Flest personlige stemmer til Kari Nessa Nordtun», www.aftenbladet.no (på norsk bokmål), 10. september 2019, henta 15. oktober 2023
- ↑ «Nessa Nordtun knuste alle på antall personstemmer», www.aftenbladet.no (på norsk bokmål), 21. september 2023, henta 15. oktober 2023
- Delar av denne artikkelen bygger på «Kari Nessa Nordtun» frå Wikipedia på bokmål, den 15. oktober 2023.