Nahal Taninim

Nahal Taninim
elv
Nahal Taninim
Land	Israel
Nedslagsfelt	200 km²
Koordinatar	32°32′51″N 34°54′54″E
Kjelde	nær Ramot Menashe
Munning	Middelhavet
Wikimedia Commons: Taninim Stream

Nahal Taninim (hebraisk נחל תנינים, tyder Krokodilleelva) er ei elv i Israel, som spring ut nær Ramot Menashe og munnar ut i Middelhavet sør for Ma'agan Michael. Det arabiske namnet på elva er Wadi a-Zarka.

Elva er kalla opp etter krokodillane som brukte å halde til i Kebarasumpane fram til tidleg på 1900-talet. Restane av Crocodilopolis, ein by som vart grunnlagd der på 300-talet fvt., er framleis synleg i dag.

Heile vassdraget dekkjer eit område på kring 200 kvadratkilometer, og inkluderer elvane Taninim, Ada, Barkan, Alona og Mishmarot. Nahal Taninim er den reinaste av kystelvane i Israel. Tre vassvegar møter kvarandre i Nahal Taninim: den naturlege elva, ein romersk akvedukt som strekkjer seg frå Zabrinkjeldene til Caesarea, og Mifale Menashe, vassverket som samlar avrenningsvatn og fører det ned under jorda.

Dei tette siva langs Nahal Taninim er heimstad til mange fuglar, mellom anna songarar.

I følgje ein zoolog ved Tel Aviv universitet levde det krokodillar og flodhestar i området fram til eit par hundre år sidan.Den siste gongen det vart rapportert om krokodillar her var i 1912.

Sjå òg

• Israelsk geografi
• Dyr i Israel
• Turisme i Israel
• Nasjonalparkar og naturreservat i Israel

Kjelder

• Denne artikkelen bygger på «Nahal Taninim» frå Wikipedia på engelsk, den 1. oktober 2014.
  • Wikipedia på engelsk oppgav desse kjeldene: