Verdscupen i skiskyting 2009

Verdscupen i skiskyting 2009 tok til 3. desember 2008 og vart avslutta 29. mars 2009. Turneringa omfatta 26 individuelle tevlingar for begge kjønn. Renna fann stad i Östersund i Sverige, Hochfilzen i Austerrike, Oberhof og Ruhpolding i Tyskland, Antholz i Italia, Pyeongchang i Sør-Korea, Whistler i Canada, Trondheim i Noreg og Khanty-Mansijsk i Russland.

Dei mannlege utøvarane tevla i fire 20 km normalprogram, ti stk 10-kilometer sprint, sju jaktstartar à 12,5 km og fem 15 km-lange fellesstartar. I tillegg vart det arrangert seks stafettar over 4 x 7,5 km. Fjorårsvinnar Ole Einar Bjørndalen vann verdscupen for sjette og siste gong. Tomasz Sikora frå Polen vart nummer 2 og Emil Hegle Svendsen nummer 3.

Dei kvinnelege utøvarane tevla i fire 15 km normalprogram, ti stk 7,5 km sprint-tevlingar, sju jaktstartar à 10 km og fem fellesstartar à 12,5 kilometer. I tillegg vart det arrangert seks stafettar over 4 x 6 km. Sveriges Helena Jonsson og Tysklands Kati Wilhelm enda opp med like mange poeng, men ettersom Jonsson vann fire tevlingar mot Wilhelms tre enkelt-sigrar, vart det den svenske utøvaren som vart kåra til vinnar av verdscupen. Norske Tora Berger kneip tredeplassen i samandraget.

Menn

Individuelt

Plass	Utøvar	Land	Poeng	Sigrar
1	Ole Einar Bjørndalen	Noreg	1080	7
2	Tomasz Sikora	Polen	860	1
3	Emil Hegle Svendsen	Noreg	844	5
4	Michael Greis	Tyskland	804	2
5	Maksim Tsjudov	Russland	780	2
6	Christoph Sumann	Austerrike	759	1
7	Ivan Tsjerezov	Russland	730
8	Carl Johan Bergman	Sverige	643
9	Björn Ferry	Sverige	642	1
10	Halvard Hanevold	Noreg	600
11	Dominik Landertinger	Austerrike	587	1
12	Simon Eder	Austerrike	581	1
13	Alexander Os	Noreg	580
14	Daniel Mesotitsch	Austerrike	553
15	Simon Fourcade	Frankrike	536
16	Michael Rösch	Tyskland	530
17	Lars Berger	Noreg	444	2
18	Christoph Stephan	Tyskland	436	5
19	Alexander Wolf	Tyskland	429
20	Michal Šlesingr	Tsjekkia	423
21	Andrij Deryzemlja	Ukraina	357
22	Friedrich Pinter	Austerrike	354
23	Christian de Lorenzi	Italia	350
24	Martin Fourcade	Frankrike	345
25	Tim Burke	USA	330

Kvinner

Individuelt

Plass	Utøvar	Land	Poeng	Sigrar
1	Helena Jonsson	Sverige	952	4
2	Kati Wilhelm	Tyskland	952	3
3	Tora Berger	Noreg	894	2
4	Magdalena Neuner	Tyskland	891	3
5	Andrea Henkel	Tyskland	838	2
6	Olga A. Zajtseva	Russland	834	2
7	Darja Domratsjeva	Belarus	776
8	Martina Beck	Tyskland	685	2
9	Simone Hauswald	Tyskland	677	3
10	Anna Carin Olofsson-Zidek	Sverige	645
11	Éva Tófalvi	Romania	640	1
12	Svetlana Sleptsova	Russland	628	1
13	Vita Semerenko	Ukraina	626
14	Kaisa Mäkäräinen	Finland	577
15	Liu Xianjing	Kina	536
16	Marie-Laure Brunet	Frankrike	484
17	Olga Medvetseva	Russland	482
18	Michela Ponza	Italia	468
19	Anna Bulygina	Russland	465	1
20	Natalia Levtsjenkova	Moldova	447
21	Wang Chunli	Kina	403	1
22	Oksana Khvostenko	Ukraina	386
23	Sandrine Bailly	Frankrike	356
24	Valj Semerenko	Ukraina	349
25	Julie Bonnevie-Svendsen	Noreg	348

Kjelder

• Denne artikkelen bygger på «Biathlon-Weltcup 2008/09» frå Wikipedia på tysk, den 19. februar 2023.