Cumbria

Cumbria
Geografi
Status	Seremonielt og ikkje-metropolitansk grevskap
Opphav	1974
Region	Nordvest-England
Areal	6 768 km²
Demografi
Folketal - Totalt (2008) - Folketettleik	496 600 73,4 /km²
Etnisitet	96,7 % kvite 1,7 % andre
Distrikt
Barrow-in-Furness South Lakeland Copeland Allerdale Eden Carlisle

Cumbria er eit ikkje-metropolitansk grevskap i Nordvest-England. Cumbria vart skipa i 1974 og består av seks distrikt og har kring ein halv million innbyggjarar.

Cumbria er det tredje største grevskapet i England ut frå areal og grenser i vest til Irskesjøen, i sør til Lancashire, i søraust til North Yorkshire og i aust til County Durham og Northumberland. Skottland ligg i nord.

Grevskapet er hovudsakleg landleg og her ligg mellom anna Lake District National Park, som vert rekna som eit av dei vakraste områda i Storbritannia. Mykje av grevskapet er fjellendt og det høgaste punktet i grevskapet (og England) er Scafell Pike på 978 meter over havet. Alle fjella i England på over 900 meter over havet ligg i Cumbria.

Delar av Hadrians mur ligg lengst nord i grevskapet, i og rundt Carlisle.

Typisk landskap frå Lake District

Historie

Namnet «Cumbria» har same rot som det walisiske namnet på Wales, Cymru (latinisert Cambria), som opphavleg tydde landsmenn på gammalwalisisk.

Grevskapet Cumbria vart skapt i 1974 frå områda som tidlegare hadde høyrt til dei administrative grevskapa Cumberland og Westmorland, County Borough of Carlisle, samt North Lonsdale eller Furness i Lancashire (inkludert Barrow-in-Furness) og frå West Riding of Yorkshire kom Sedbergh Rural District. Namnet «Cumbria» har deriomt vorte nytta for dette området i mange hundreår.

Kjelder

• Denne artikkelen bygger på «Cumbria» frå Wikipedia på engelsk, den 17. november 2009.
  • Wikipedia på engelsk oppgav desse kjeldene:

Bakgrunnsstoff

Commons har multimedia som gjeld: Cumbria

• Offisiell turistside
• The Cumbria Site
• Go Lakes