Northumberland

Frå Wikipedia – det frie oppslagsverket
Gå til: navigering, søk
Northumberland
EnglandNorthumberland.png
Geografi
Status Seremonielt grevskap og sameint styresmakt
Opphav Historisk
Region Nordaust-England
Areal 5 013 km²
Demografi
Folketal
- Totalt (2008)
- Folketettleik

311 000
62 /km²
Etnisitet
Distrikt

ingen

Northumberland er eit seremonielt grevskap og sameint styresmakt i Nordaust-England. Det grensar til Cumbria i vest, County Durham i sør, Tyne and Wear i søraust, mot Scottish Borders (austskotske regionar attmed grensa mellom England og Skottland) i nord og mot Nordsjøen i aust. Northumberland er det minst folketette grevskapet i England med berre 62 innbyggjarar per kvadratkilometer. Grevskapet er kjend for det urørte landskapet med høge lyngheier, som i dag hovudsakleg er verna som ein del av Northumberland nasjonalpark, og er eit ynda landskap for mange kunstmålarar.

Etter at Tyne and Wear vart skipa i 1974, etter å ha vore lutar av grevskapa Northumberland og County Durham, har grevskapsrådet i Northumberland halde til i byen Morpeth, aust i grevskapet.

Opphavet til Northumberland er det tidlegare kongedømet Northumbria, men dagens Northumberland femner om eit mykje mindre landområde. Som kongedømet Northumbria under kong Edvin, strekte dei historiske grensene for regionen seg frå Humber i sør til elva Forth i nord. Dei historiske grensene til grevskapet dekte eit anna område, inkludert Newcastle upon Tyne, den tradisjonelle grevskapsbyen, og Tynemouth og andre busetnader i North Tyneside, som har vore ein del av Tyne and Wear sidan 1974. Dei historiske grensene til grevskapet utelet stundom Islandshire, Bedlingtonshire og Norhamshire (North Durham), eksklavane til County Durham som vart innlemma i Northumberland i 1844.

Sidan området ligg på grensa mellom England og Skottland, har mange militære slag funne stad her.

Geografi[endre | endre wikiteksten]

Grensa mot Skottland vert danna av fjella Cheviot Hills (815 moh.) og elva Tweed. Andre elver er Tyne, Blyth og Coquet. Åsryggane består av granitt og andesitt frå devontida. Whin Sill er ein doleritt-intrusjon frå karbontida.

Landskapet i Northumberland er lågt og flatt nær Nordsjøkysten, og fjellrikt i nordvest. Det er rikt fugleliv langs kysten, som vert rekna som særleg vakker[1] med 102 km lang stiar.[2] Dalføra er fruktbare. Det er eit stort sauehald, og noko fiske.

Utanfor kysten av Northumberland ligg øyane Lindisfarne, og kalla Holy Island og Farne Islands, som består av doleritt.

På søraustkysten, nord for Tyne, ligg det kolfelt. Coquetelva renn gjennom landskapet.

Klima[endre | endre wikiteksten]

Northumberland ligg i ei mild, temperert klimasone, og har eit typisk kystklima for Nordaust-England. Vêrlaget er særs omskifteleg, gjennomgåande med høg luftfukt. Gjennomsnittleg årleg temperatur er 7,1-9,3 °C. Det fell 466-1060 mm årleg nedbør.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Northumberland

Kjelder[endre | endre wikiteksten]


Koordinatar: 55°18′ N 1°41′ W