Eva Kolstad
Eva Lundegaard Kolstad (6. mai 1918–26. mars 1999), fødd Hartvig, var ein norsk politikar og kvinnesaksforkjempar. Ho starta eiga revisjonsforretning i Oslo i 1944, og blei ei av dei første kvinnene i landet som fekk kalle seg statsautorisert revisor i 1946. Ho var den første kvinnelege partileiaren i Noreg då ho blei leiar for Venstre i 1974. Ho blei i 1978 også det første likestillingsombodet i verda.
Eva Kolstad leia Oslo Kvinnesaksforening (1950-1952 og 1954-1956), var leiar for Norsk Kvinnesaksforening (1956-1968), og medlem av FN sin kvinnekommisjon frå 1969.
Eva Kolstad sat i Oslo bystyre og formannskap i åra 1960-75.
18. oktober 1972-16. oktober 1973 var Eva Kolstad statsråd og sjef for Forbrukar- og administrasjonsdepartementet (forbrukar- og administrasjonsminister) i Regjeringa Korvald.
Ho var partileiar i Venstre 1974-76, leiar av arbeidsutvalet for Hovudkomiteen for FN sitt internasjonale kvinneår 1975 i Noreg og likestillingsombod 1979-88.
Eva Kolstad var kommandør av St. Olavs Orden, fekk St. Hallvardsmedaljen i 1986 og var æresmedlem i International Alliance of Women og i Unge Venstre.
Eva Kolstad sin svigerfar var tidlegare statsminister Peder Ludvik Kolstad.
Kjelder [endre]
| Føregjengar ingen |
Likestillingsombod 1978–1988 |
Etterfylgjar Ingse Stabel |
| Norske forbrukar- og administrasjonsministrar | |
|---|---|
| Inger Louise Valle (1972) · Eva Kolstad (1972–73) · Odd Sagør (1973–76) · Annemarie Lorentzen (1976–78) · Kirsten Myklevoll (1978–79) · Sissel Rønbeck (1979–81) · Astrid Gjertsen (1981–86) · Astrid Nøklebye Heiberg (1986) · Anne-Lise Bakken (1986–88) · Einfrid Halvorsen (1988–89) · Oddrunn Pettersen (1989) · Solveig Sollie/Kristin Clemet (1989) |
