Gresk Thráki

Frå Wikipedia – det frie oppslagsverket
Gå til: navigering, søk
Θράκη
Thráki
Flag of Greece.svg
(Nasjonalflagg)
Plasseringa til Thráki i Hellas. Plasseringa til Thráki i Hellas på Balkan.
 
Land: Hellas
Hovudstad: Komotiní
Periferi: Aust-Makedonía og Thráki
Folketal: 371 206 (2011 census)
Areal: 8 578 km²
Folketettleik: 43/km²
Heimeside: Ministry for Macedonia–Thrace

Thráki (gresk Θράκη) eller Gresk Thráki, òg kalla Vest-Thrakia, er den nordaustlegaste av dei tradisjonelle regionane i Hellas. Thráki og regionane Thessalía og Makedonia vert ofte uoffisielt kalla Nord-Hellas.

Området dekkjer den sørvestlege delen av Thrakia og var ein del av Det osmanske riket fram til den første balkankrigen i 1912. I den andre balkankrigen kjempa Bulgaria og Hellas om området, men i București-traktaten tilfall Vest-Thrakia Bulgaria, som hadde kontroll over området til slutten av den første verdskrigen. Etter bulgarsk tap i denne krigen vart Vest-Thrakia ein permanent del av Hellas i 1919-1920.

Geografi[endre | endre wikiteksten]

Gresk Thráki omfattar periferieiningane (tidlegare prefektura) Évros, Rodópi og Xánthi og inngår i periferien Aust-Makedonía og Thráki. I vest grensar regionen til Makedonia langs elva Néstos (Mesta), i nord dannar Rodopifjella ei grense mot Den thrakiske sletta (Nord-Thrakia), og mot aust er det elva Évros (Maritsa) som dannar grense mot Tyrkia og Aust-Thrakia, med unntak av eit lite område utanfor Edirne, der grensa går eit stykke inn på vestbreidda av elva.

Byar[endre | endre wikiteksten]

Dei største byane i Thráki er (folketeljing i 2011):
1. Alexandroúpoli 57 812
2. Xánthi 56 122
3. Komotiní 50 990
4. Orestiáda 18 426
5. Didymótikho 9 263

Periferieiningane[endre | endre wikiteksten]

Dei tre thrakiske periferieiningane er:

Periferi Hovudstad Areal Folketal
Thráki
Del av Aust-Makedonía og Thráki  består av:
1 Periferieininga Xánthi Xánthi 1 793 km² 111 222
2 Periferieininga Rodópi Komotiní 2 543 km² 112 039
3 Periferieininga Évros Alexandroúpoli 4 242 km² 147 947
Totalt Thráki Komotiní 8 578 km² 362 038[1]

Fotnotar[endre | endre wikiteksten]