Sanna Solberg

Frå Wikipedia – det frie oppslagsverket
Hopp til navigering Hopp til søk
Sanna Solberg
Sanna Charlotte Solberg 20141115.jpg
Fødd 16. juni 1990
Bærum
Yrke handballspelar
Sanna Solberg på Commons

Sanna Charlotte Solberg (fødd 16. juni 1990) er ein norsk handballspelar som sidan 2014 spelar på Larvik HK. Ho har i tida 2014-16 vunne EM-gull, VM-gull og OL-bronse med det norske landslaget. Ved utangane av 2018 har ho delteke i 127 landskampar og skåra 225 mål. Kantspelaren er tvillingsyster til målvakta Silje Solberg.

Sanna Solberg spelte på Helset IF til 2010, då ho melde overgang til Stabæk IF i den norske toppserien. Sommaren 2014 flytta ho vidare til den suverene noregseinaren Larvik HK. Med Larvik-klubben vann ho NM-gull i 2014 og 2015, og vart seriemeister både i 2015 og 2016.

I juli 2010 var Solberg med på vinne junior-VM i handball. Same hausten, 21. september 2010, fekk ho sin landslagdebut mot Romania. Under handball-EM 2014 i Ungarn skåra ho mange mål frå venstrekanten, i ein meisterskap der Noreg kleiv til topps etter finalesiger 28-25 over Spania. Året etter var ho også med på det norske laget som vart verdsmeister under VM 2015. Under Sommar-OL 2016 i Rio de Janeiro fekk ho auka medaljesamlinga med bronse, etter at Noreg tapte ein jamn semifinale mot Russland og deretter vann klart over Nederland i bronsefinalen.

Merittar[endre | endre wikiteksten]

  • Handball-VM 2013: Nr 5 med Noreg
  • Handball-EM 2014: Gullmedalje etter 28-25 over Spania
  • Handball-VM 2015: Gullmedalje etter 31-23 over Nederland
  • Sommar-OL 2016: Bronsemedalje etter 36-26 over Nederland
  • Handball-EM 2016: Gullmedalje etter 30-29 mot Nederland
  • Handball-VM 2017: Sølvmedalje etter 21-23 mot Frankrike
  • Handball-EM 2018: Nr 5 etter 38-29 mot Sverige

Kjelder[endre | endre wikiteksten]