Vibeke Larsen
| Vibeke Larsen | |||
 | |||
| Fødd | 15. juni 1971 (53 år) Vassdalen | ||
|---|---|---|---|
| Statsborgar av | Noreg | ||
| Parti | Arbeidarpartiet (januar 2017), Nordkalottfolket | ||
| Yrke | politikar | ||
| Alle verv |
| ||
Vibeke Larsen (fødd 15. juni 1971) er ein norsk sametingspolitikar som var sametingspresident for Arbeidarpartiet i perioden 2016–2017. Sidan 2021 sit ho på Sametinget for Nordkalottfolket frå Vesthavet valkrins.
Larsen byrja i Arbeidarpartiet og var vararepresentant i sametingsperioden 2001–2005. Frå 2004 hadde ho fast plass i staden for Per Solli, og sat så som fast representant frå 2005 til 2017. Frå og med 26. september 2007 til 2013 sat ho i Sametingsrådet for Arbeidarpartiet.
I desember 2016 felte ein koalisjon mellom Arbeidarpartiet, Árja og Høgre det sitjande sametingsrådet leia av Aili Keskitalo, og danna nytt sametingsråd med Larsen som sametingspresident.[1][2] I januar 2017 vart Ronny Wilhelmsen vald til presidentkandidat for Arbeidarpartiet før sametingsvalet 2017. I protest gjekk Larsen ut av partiet og avsette Wilhelmsen som visepresident.[3] Ho starta så partiet Šiella, som stilte til val i 2017 utan å få inn nokon representantar.[4][5] Larsen sat som president fram til valet i 2017.
Ho meldte seg seinare inn i Nordkalottfolket, og vart vald inn på Sametinget for dei i perioden 2021–2025.
Larsen er busett på Bjerkvik i Narvik kommune i Nordland fylke.
Kjelder
[endre | endre wikiteksten]- ↑ «Maktskifte på Sametinget - Keskitalo måtte gå», www.highnorthnews.com (på norsk bokmål), henta 31. oktober 2021
- ↑ Gaup, Berit Solveig (8. desember 2016), «AP-Vibeke klar for å ta over Sametinget», NRK (på norsk bokmål), henta 31. oktober 2021
- ↑ Verstad, Anders Boine (29. januar 2017). «Vibeke snur: Blir sittende som president, men sparker visepresidenten». NRK (på norsk bokmål). Henta 31. oktober 2021.
- ↑ Verstad, Anders Boine (11. februar 2017). «Vibeke Larsens nye valgliste: Šiella». NRK (på norsk bokmål). Henta 31. oktober 2021.
- ↑ «Valgresultat – Sametingsval – 2017», valgresultat.no, henta 1. november 2021
Bakgrunnsstoff
[endre | endre wikiteksten]- Presentasjon av Vibeke Larsen på nettstaden til Det norske sametinget
- Om Vibeke Larsen på nettstaden til NRK Sámi Radio
 |