Karlstad

Karlstads byvåpen

Karlstad er ein by i Sverige. Byen ligg på nordsida av Vänern, på eit delta skapa av Klaraelva. Byen ligg i det svenske landskapet Värmland. Byen er administrasjonsstad for kommunen Karlstads kommun, for länet Värmlands län og for Karlstads stift.

Karlstad blei grunnlagt av Karl IX i 1584. I 1865 brann store delar av dei sentrale delane av byen ned. Etter brannen laga ein eit nytt gatesystem som har gjeve byen den utsjånaden den har i dag. I 1905 føregjekk forhandlingane mellom den norske og svenske regjeringa om sjølvstendet til Noreg (Karlstad-forhandlingene). Dette skjedde i Frimurarlosjen i byen som ligg på stortorget ved sidan av bl.a. Stadshotellet og rådhuset. Den endelege avtalen blei underteikna i festsalen til losjen 23. september 1905.

Karlstad har eit universitet med 11 000 studentar.

I utkanten av Karlstad ligg Bergvik kjøpesenter.

Ishockeyklubben Färjestads BK, som har vore blant dei dominerande klubbane i svensk ishockey i fleire tiår, kjem frå Karlstad.

Venskapsbyar

	Moss (Noreg)
	Horsens (Danmark)
	Nokia (Finland)
	Blönduós (Island)
	Jõgeva (Estland)
	Karlovac (Kroatia)