The Who by Numbers

The Who by Numbers Studioalbum av The Who
Utgjeve	3. oktober 1975
Innspelt	April til 12. juni 1975, Shepperton Studios med hjelp av Ronnie Lane's Mobile Studio
Sjanger	Rock
Lengd	37:19
Selskap	Polydor Records
Produsent	Chris Charlesworth, Bill Curbishley, Glyn Johns, Robert Rosenberg
Kritikk
Allmusic lenkje Robert Christgau (B+) lenkje Rolling Stone (positiv) lenkje
The Who-kronologi
Quadrophenia (1973)	The Who by Numbers	Who Are You (1978)

The Who by Numbers er det sjuande albumet til det engelske rockebandet The Who, utgjeve den 3. oktober 1975. Det vart kåra til det tiande beste albumet dette året av The Village Voice sin Pazz & Jop kritikaravstemming.

Historie

Utan den massive strukturen og ambisjonane som låg dei meir kjende verka til bandet, Tommy og Quadrophenia, står låtskrivinga til Pete Townshend for seg sjølv i den sparsame og mørke The Who by Numbers. Her er ikkje syntheziserar eller lag på lag med lydspor. I staden finn ein skildringar om alkoholisme, begjær og avsky for seg sjølv, samt dei mørke sidene av snikande mellomalderen og frykt for å verte irrelevant. På «They Are All In Love» klagar Townshend: «Hey goodbye all you punks, stay young og stay high / Hand me my checkbook while I crawl off to die». Slike tema strekk seg frå det håplause refrenget på «However Much I Booze» (sungen av Townshend, sidan Roger Daltrey fann han for personleg), «There ain't no way out» («Det finst ingen utveg»), til det desillusjonerte spørsmålet, «How many friends have I really got?» («Kor mange vener har eg eigentleg?»)

Eit par spor står i kontrast til dette, som singelen og hitten «Squeeze Box» og «Blue, Red and Grey» med tekstlinja «I like every minute of the day» («Eg likar kvart minutt av dagen»). Songen til John Entwistle, «Success Story», går tilbake til eit like fortvilt og kynisk syn på stjernelivet som resten av plata. På «In a Hand or a Face» kan ein høyre tekstmessige og musikalske tema frå Who-songar frå 60-talet og songen er ein uventa heftig avslutning på albumet.

Omslaget på albumet er ei teikning av John Entwistle, teikna som ein del av ein teikneserie om The Who.

The Who by Numbers nådde sjuandeplassen i Storbritannia og åttandeplassen i USA.

Innhald

Alle songar er skrivne av Pete Townshend, bortsett frå der andre er nemnde. 

Side ein
#	Tittel	Lengd
1.	«Slip Kid»	4:32
2.	«However Much I Booze»	5:03
3.	«Squeeze Box»	2:42
4.	«Dreaming from the Waist»	4:09
5.	«Imagine a Man»	4:04

Side to
#	Tittel	Lengd
6.	«Success Story» (John Entwistle)	3:24
7.	«They Are All in Love»	3:03
8.	«Blue, Red and Grey»	2:50
9.	«How Many Friends»	4:07
10.	«In a Hand or a Face»	3:25

Bonusspora frå 1996-utgåva vart spelt inn på ein konsert i Swansea Football Ground den 12. juni 1976.

Bonusspor på 1996-utgåva
#	Tittel	Lengd
11.	«Squeeze Box»	3:13
12.	«Behind Blue Eyes»	4:39
13.	«Dreaming from the Waist»	4:57

Medverkande

The Who

• Roger Daltrey – vokal, munnspel
• John Entwistle – bassgitar, 8-strengsbass, blåsarar, tangentinstrument, vokal, solovokal på mellomspelet på «Success Story»
• Keith Moon – trommer, perkusjon
• Pete Townshend – gitar, tangentinstrument, ukulele, trekkspel, banjo, vokal, solovokal på «However Much I Booze», «Blue, Red and Grey» og mellomspelet på «Success Story»

Andre

• Dave Arbus – fiolin
• Nicky Hopkins – piano, tangentinstrument

Kjelder

• Denne artikkelen bygger på «The Who by Numbers» frå Wikipedia på engelsk, den 4. juli 2009.
  • Wikipedia på engelsk oppgav desse kjeldene:

Bakgrunnsstoff

• Gitartablatur
• Tekstar
• The Who By Numbers - song for song