Songen The Lamb Lies Down on Broadway

Frå Wikipedia – det frie oppslagsverket
Hopp til navigering Hopp til søk
The Lamb Lies Down on Broadway
Song av Genesis
frå albumet The Lamb Lies Down on Broadway
Utgjeve 29. november 1974
Innspelt august–oktober 1974
Sjanger Progressiv rock
Lengd 4:47
Selskap Charisma/Virgin (UK)
Atco (original US)
Atlantic (CD)(USA)
Låtskrivar(ar) Tony Banks, Phil Collins, Peter Gabriel, Steve Hackett, Mike Rutherford
Produsent John Burns og Genesis

The Lamb Lies Down on Broadway er opningssongen på Genesis-albumet med same namn frå 1974. Songen vart gjeven ut som singel i USA, men gjekk ikkje inn på salslista. FM-radiostasjonar der spelte han derimot ofte.

Som andre songar på albumet er teksten og musikken i «The Lamb Lies Down on Broadway» delvis basert på soulsongar frå 1960-åra. Slutten av songen inneheld teksten «They say the neon lights are bright on Broadway. They say there's always magic in the air» frå The Drifters-songen «On Broadway».

Basspelinga til Mike Rutherford på songen har vorte skildra som å ha «assosiasjonar til aggressiv energi», noko som høver bra med sinte og kriminelle hovudpersonen Rael i konseptet på albumet.[1]

Etter at Gabriel slutta i bandet var det Phil Collins som songen, og han vart ofte spelt på dei første turneane til bandet, vanlegvis ved at slutten på «The Musical Box» glei over i denne.[2] Eit konsertopptak finst på Seconds Out frå 1977 samt som «Old Medley» på The Way We Walk, Volume Two: The Longs frå 1993. Songen vart òg spelt i sin heilskap på Calling All Stations-turneen i 1998 med Ray Wilson på vokal.

Peter Gabriel song òg songen under ekstranummera til konsertane sine i 1978.

Det progressive rockebandet The Flower Kings spelte songen på det første konsertalbumet deira, Alive on Planet Earth. Rockegitaristen Paul Gilbert spelte songen på soloalbumet sitt Gilbert Hotel i 2003.

Kjelder[endre | endre wikiteksten]

  1. Holm-Hudson, Kevin (2008). Genesis and The Lamb Lies Down on Broadway. Ashgate. s. 63. ISBN 978-0-7546-6139-9. 
  2. Couture, François. «The Lamb Lies Down on Broadway: Song Review». Allmusic. Henta 16. januar 2012.