Jesus He Knows Me

Frå Wikipedia – det frie oppslagsverket
Gå til: navigering, søk
Jesus He Knows Me
Singel av Genesis
frå albumet We Can't Dance
B-side «Hearts on Fire»
Utgjeve 13. juli 1992
Innspelt The Farm, Surrey;. mars 1991 — september 1991
Sjanger Poprock
Lengd 4:18
Selskap Atlantic, Virgin
Låtskrivar(ar) Tony Banks, Phil Collins, Mike Rutherford
Produsent Genesis, Nick Davis
Genesis-kronologi
«Hold on My Heart»
(1992)
Jesus He Knows Me «Never a Time»
(1992)


«Jesus He Knows Me» er ein song av det britiske bandet Genesis frå 1991 på albumet We Can't Dance. Det var den fjerde singelen frå albumet. Songen er ein satire om televangelisme og kom ut i ein periode då fleire televangelistar som Robert Tilton, Jim Bakker, Larry Lea og Benny Hinn var under etterforsking for å love økonomisk suksess til lyttarane om dei berre sende dei pengar. Songen nådde 20. plass i Storbritannia og 23. plass i USA.

Utgjeving[endre | endre wikiteksten]

Som alle singlane på We Can't Dance vart «Jesus He Knows Me» gjeve ut på to CDar, samt vinyl. Alle formata hadde songen «Hearts on Fire» (seinare utgjeve på Genesis Archive #2 1976-1992) som B-side.

Den første CDen hadde òg med «I Can't Dance (The Other Mix)» (ein remix av Ben Liebrand) og den andre hadde med «Land of Confusion (Rehearsal Version)». «The Other Mix» fekk dette namnet fordi «Sex Mix» vart gjeven ut nokre månader tidlegare på singelen til «I Can't Dance».

Songen vart nytta i den belgiske filmen Le huitième jour av Jaco Van Dormael i 1996.

Konsertversjonar[endre | endre wikiteksten]

Songen vart framført på konsertane i 1992.

Musikkvideo[endre | endre wikiteksten]

I videoen spelar songaren Phil Collins ein skruppelaus televangelist som lever som ein millionær på grunn av donasjonane frå lyttarane sine. Den komiske videoen har òg med bandmedlemmane Tony Banks og Mike Rutherford, som òg spelar evangelistar. Collins har på ein oransje dress og prøver å få sjåarane til å sende inn $18 000 000 på ei helg fordi «Herren bad han om det». I slutten av videoen regnar det pengar over Collins.

I videoen kan ein sjå folk som held eit skilt som seier «Genesis 3:25», som ikkje referer til Bibelen (Første mosebok heiter Genesis på engelsk), men viser til at bandet hadde tre medlemmar og at dei hadde vore i lag i 25 år. Ikkje alle forstod denne referansen og trudde det berre var ein spøk sidan det tredje kapittelet i Første mosebok berre har 24 vers.

Innhald[endre | endre wikiteksten]

CD maxi
  1. «Jesus He Knows Me» (single mix) — 4:18
  2. «Hearts on Fire» — 5:15
  3. «I Can't Dance» (the other mix) — 6:00
7" singel
  1. «Jesus He Knows Me» (single mix) — 4:17
  2. «Hearts on Fire» — 5:15

Lister[endre | endre wikiteksten]

Liste (1992) Plassering
Austerrike[1] 26
Frankrike[1] 27
Tyskland[2] 13
Irland[3] 22
Sverige[1] 38
Storbritannia[4] 20
USA Billboard Hot 100[5] 23
USA Billboard Hot Adult Contemporary Tracks[5] 27
USA Billboard Hot Mainstream Rock Tracks[5] 24
USA Billboard Top 40 Mainstream[5] 12

Kjelder[endre | endre wikiteksten]

  1. 1,0 1,1 1,2 "Jesus He Knows Me», in various singles charts Lescharts.com (Henta 21. oktober 2012)
  2. Tyskland Charts-surfer.de (Henta 21. oktober 2012)
  3. Irish Single Chart Irishcharts.ie (Henta 21. oktober 2012)
  4. Storbritannia Chartstats.com (Henta 21. oktober 2012)
  5. 5,0 5,1 5,2 5,3 Billboard Allmusic.com (Henta. august 15, 2008)

Bakgrunnsstoff[endre | endre wikiteksten]