Chris Stewart

Frå Wikipedia – det frie oppslagsverket
Hopp til navigering Hopp til søk
Chris Stewart
Fødd27. mars 1951
FødestadCrawley
OpphavStorbritannia
Instrumenttrommesett
Verka somskribent, sjølvbiograf, trommeslagar, bonde

Christopher «Chris» Stewart (fødd 1950) var den første trommeslagaren i Genesis. Han er i dag bonde og forfattar.

Stewart gjekk på skulen med Tony Banks og Peter Gabriel og dei tre spelte i lag i skulebandet The Garden Wall, og danna seinare eit band i lag med skulevenene Mike Rutherford og Anthony Phillips, kalla Anon. Dette bandet utvikla seg til Genesis i januar 1967. Stewart er med på dei to første singlane til bandet, «The Silent Sun»/«That's Me» og «A Winter's Tale»/«One-Eyed Hound». Sjølv om det finst fleire demoar frå tida Stewart var med i GenesisGenesis Archive 1967-75, er han ikkje tilskriven som trommis på nokre av desse. Peter Gabriel ser ut til å ha spelt trommer på nokre og resten er utan trommis.

Jonathan King, som produserte den første plata til bandet, bad Stewart om å slutte i bandet sommaren 1968 fordi han ikkje var god nok. Han vart erstatta av John Silver. Stewart slo seg ned og kjøpte ein gard i Alpujarras i Andalucia i Spania der han framleis bur og jobbar. Han har sidan 2007 vore kommunepolitikar her.[1].

Han har skrive sjølvbiografiane Driving Over Lemons: An Optimist in Andalucia (1999, ISBN 0-9535227-0-9) og oppfølgjarane A Parrot In The Pepper Tree (ISBN 0-9535227-5-X) og The Almond Blossom Appreciation Society (2006, ISBN 0-9548995-0-4) om gardsarbeidet sitt i Spania.

Kjelder[endre | endre wikiteksten]

  1. Elecciones 27M | elmundo.es

Bakgrunnsstoff[endre | endre wikiteksten]