Trespass

Frå Wikipedia – det frie oppslagsverket
Hopp til navigering Hopp til søk
Trespass
Studioalbum av Genesis
Utgjeve 23 October 1970
Innspelt Trident Studios, juni – juli 1970
Sjanger Progressiv rock, progressiv folk
Lengd 42:56
Selskap Charisma/Virgin (UK)
Impulse, ABC, MCA, Geffen (USA)
Produsent John Anthony
Kritikk
Genesis-kronologi
From Genesis to Revelation
(1969)
Trespass Nursery Cryme
(1971)


Trespass er det andre studioalbumet av Genesis og vart spelt inn og gjeve ut i 1970. Det vart det siste albumet med gitaristen Anthony Phillips, og albumet hadde ein folkemusikkaktig progressiv rock-stil som var markert forskjellig frå tidlegare musikk bandet hadde gjeve ut.

Songane er generelt mykje lengre og komplekse enn dei på det første albumet til Genesis, og innspelingane har ei dempa, landleg kjensle. Bandet var ikkje nøgd med trommestilen til John Mayhew og han vart erstatta av Phil Collins etter at Anthony Phillips forsvann frå bandet.

Trespass var det første av fleire Genesis-album som vart spelt inn i Trident Studios i London. Sjølv om albumet ikkje selde godt i Storbritannia (det nådde sidan 98. plass for ei veke i 1984), fekk det god kritikk då det kom ut. Albumet nådde derimot toppen av albumlista i Belgia, og bandet heldt sine første konsertar i utlandet der i mars 1971.

Bakgrunn[endre | endre wikiteksten]

Etter eit år der Genesis hadde spelt nesten kvar kveld i 1969 og 1970 sidan bandet hadde forlate Decca, møtte Tony Stratton-Smith Genesis og signerte ein kontrakt med dei hos Charisma. Halvvegs ut i 1970 hadde Genesis skrive nok songar til å fullt to heile album. Songane bandet følte ikkje var gode nok til å kome med på Trespass, som «Everywhere is Here», «Grandma», «Little Leaf», «Going out to Get You», «Shepherd», «Moss», «Let Us Now Make Love», og «Pacidy», vart droppa då sologitarist Anthony Phillips slutta i bandet.[4]

Sjølv om dei fleste Genesis-songane vart skrivne av heile gruppa, sa Mike Rutherford i eit intervju i 1985 at Trespass var det einast albumet deira det kvar song vart skrivne av alle medlemmane i like stor grad. Alle dei andre albuma hadde minst eit par songar som vart skrivne av ein eller to personar, med berre mindre bidrag frå resten av bandet.[5]

Plateomslag[endre | endre wikiteksten]

Plateomslaget vart måla av Paul Whitehead, som òg laga omslaga til dei to neste albuma deira. Whitehead hadde gjort ferdig omslaget og då bandet la til «The Knife» til albumet, følte dei at omslaget ikkje lenger passa med stemninga på albumet, og bad Whitehead gjere det om att. Motvillig til å gjere dette vart Whitehead inspirert til å rispe opp lerretet med ein kniv.[6]

Mottaking[endre | endre wikiteksten]

Trespass vart stort sett oversett av musikkpressa då det kom ut. Rolling Stone skreiv ei særs kort og negativ melding av albumet då det kom ut på ny i 1974, og sa «Det er flekkete, dårleg definert, stundom keisamt og alle utanom dei mest rabiate Genesis-tilhengjarane bør unngå det.».[2] Allmusic si melding mykje seinare var noko mildare, men oppsummerte at «det er meir interessant med tanke på det albumet peikar fram mot enn det det faktisk gjer[1]

Innhald[endre | endre wikiteksten]

Alle songar er skrivne av Tony Banks, Peter Gabriel, Anthony Phillips og Mike Rutherford.. 

Side ein
# Tittel Lengd
1. «Looking for Someone»   7:06
2. «White Mountain»   6:45
3. «Visions of Angels»   6:51
Side to
# Tittel Lengd
4. «Stagnation»   8:50
5. «Dusk»   4:13
6. «The Knife»   9:00

Medverkande[endre | endre wikiteksten]

Produksjon[endre | endre wikiteksten]

  • John Anthony – Produsent
  • Robin Geoffrey Cable – Teknikar
  • Nick Davis – Miksing (2008-utgåva)
  • Tony Cousins – Mastering (2008-utgåva)

Utgjevingar[endre | endre wikiteksten]

Trespass var først gjeve ut i Storbritannia på Charisma i oktober 1970, og så på ny på same selskap i 1974. I USA kom albumet først ut på ABC-etiketten Impulse!. Det vart gjeve ut på ny på sjølve ABC Records i 1974; så, etter at MCA Records kjøpte ABC, kom det ut på MCA. I 2003 vart MCA ein del av Geffen Records.

Ein SACD/dobbel DVD (inkludert nye 5.1- og stereomiksar) kom ut 11. november 2008.

Kjelder[endre | endre wikiteksten]

  1. 1,0 1,1 Eder, Bruce (2011 [last update]). «Trespass – Genesis | AllMusic». allmusic.com. Henta 25. juli 2011. 
  2. 2,0 2,1 Fletcher, Gordon (August 1, 1974). «Genesis: Trespass : Music Reviews». Rolling Stone. Arkivert frå originalen 2 May 2008. 
  3. Nathan Brackett; Christian David Hoard (2004). The new Rolling Stone album guide. New York: Simon & Schuster. s. 327. ISBN 978-0-7432-0169-8. 
  4. Negrin, David. «An Interview with Anthony Phillips». Henta 24. september 2012. 
  5. Neer, Dan (1985). Mike on Mike [interview LP], Atlantic Recording Corporation.
  6. Will Romano (2010). Mountains Come Out of the Sky: The Complete Illustrated History of Prog Rock. Backbeat Books. s. 72. ISBN 978-0-8793-0991-6.