Øyeren

Øyeren
Kart over Øyeren
Stad	Akershus og Østfold
Koordinatar	59°51′26″N 11°09′48″E
Tilknytte land	Noreg
Overflateareal	84,74 km²
Kystlengd1	165,47 km
Høgd over havet	101 moh
1 Kystlengd er eit unøyaktig mål som kanskje ikkje er standardisert for denne artikkelen.

Øyeren er ein innsjø i Glomma-vassdraget. Han ligg i kommunane Enebakk, Fet og Rælingen i Akershus fylke og Trøgstad og Spydeberg i Østfold fylke.

Øyeren er den niande største innsjøen i Noreg med eit areal på 84,7 kvadratkilometer. Han ligg 101 meter over havet og er 71 meter djup. Saman med Leira og Nitelva dannar Glomma det største innlandsdeltaet i Norden i den nordlege enden av innsjøen. Delar av dette våtmarksområdet vart erklært naturreservat i høvesvis 1975 (Nordre Øyeren) og 1992 (Sørumsneset).

Demningane Bingsfossen og Rånåsfoss i Glomma er einaste hindring for småbåt-trafikk mellom Trøgstad og Fåberg ved Lillehammer. Ved å passere demninga ved Funnefoss kan småbåtar uhindra dra til Storsjøen i Odalen og til Kongsvinger kraftverk.

Fiskeartar i Øyeren

Det finnes truleg 25 fiskeartar i Øyeren, som dermed vert rekna som den innsjøen i Noreg med flest fiskeartar. Før oppdemminga av Glommavassdraget vart det òg laks der.

• Niøyefamilien: Bekkeniøye
• Laksefamilien: Aure, sik, lagesild, harr
• Loddefamilien: Krøkle
• Gjeddefamilien: Gjedde
• Karpefamilien: Mort, gullbust, stam, vederbuk, asp, laue, flire, brasme, ørekyt^A, karuss
• Ålefamilien: Ål
• Stingsildfamilien: trepigget stingsild, nipigget stingsild
• Brosmefamilien: Lake
• Åborfamilien: Hork, åbor, gjørs
• Ulkefamilien: Steinulke

^A) Ørekyt står oppført på norsk svarteliste som ein uønska art.

Vassdrag som drenerer til Øyeren

• Glomma
• Oslomarkavassdraga
• Leira

Kjelder

• Denne artikkelen bygger på «Øyeren» frå Wikipedia på bokmål, den 16. april 2008.
  • Wikipedia på bokmål oppgav desse kjeldene: