Rosshavet

Frå Wikipedia – det frie oppslagsverket
Gå til: navigering, søk
Koordinatar: 75°S 175°W
Rosshavet
bukt
Land Flag of Antarctica.svg Antarktis
koordinatar 75°S 175°W
Administrert under Antarktistraktaten
Rosshavet is located in Antarktis
Rosshavet (Antarktis)

Rosshavet er ei stor bukt i Sørishavet i Antarktis mellom Victoria Land og Marie Byrd Land.

Skildring[endre | endre wikiteksten]

Rosshavet vart oppdaga av James Ross i 1841. Vest i Rosshavet ligg Ross Island med vulkanen Mount Erebus, i aust ligg Roosevelt Island. Den sørlege delen av bukta er dekt av Rossisen.[1] Roald Amundsen starta ekspedisjonen sin mot Sørpolen i 1911 frå Hvalbukta, som ligg i sjølve isen. Vest i Rosshavet ligg McMurdo Sound som er ei hamn som vanlegvis er isfri om sommaren. Den sørlegaste delen av Rosshavet er Gould Coast, som ligg kring 300 km frå Den geografiske sørpolen.

Alle landmassar i Rosshavet er gjort krav på av New Zealand og høyrer til Ross Dependency.

Økologisk tyding og bevaring[endre | endre wikiteksten]

Dyre- og plantelivet i Rosshavet liknar andre marine regionar i det sørlege Antarktis. Særleg om sommaren fører det næringsrike vatnet til mykje plankton her, som igjen gjev næring for større artar, som fisk, sel, kval og sjøfugl.

Langs kysten av bukta finn ein hekkestader for adeliepingvin og keisarpingvin, som det finst mange av kring Rosshavet, både mot kysten og ut mot det opne havet. [1]

Rosshavet er eit av dei siste havområda på jorda som er relativt urørt av menneskeleg aktivitet. På grunn av dette er området nesten heilt fritt for forureining, overfiske og innføring av framande artar. Rosshavet har derfor vorte eit fokusområde for miljøvernsgrupper. Rosshavet vert av marinbiologar rekna for å ha eit særs høgt biologisk mangfald. Til dømes vart ein 10 meter lang kjempeblekksprut på 495 kg fanga i Rosshavet den 22. februar 2007.

Sjå òg[endre | endre wikiteksten]

Kjelder[endre | endre wikiteksten]

  1. 1,0 1,1 «Ross Sea (sea, Pacific Sea) - Britannica Online Encyclopedia». Britannica.com. http://www.britannica.com/EBchecked/topic/510142/Ross-Sea. Henta 30. november 2012. 

Bakgrunnsstoff[endre | endre wikiteksten]