Rock and Roll Music

Frå Wikipedia – det frie oppslagsverket
Gå til: navigering, søk
Rock and Roll Music
Singel av Chuck Berry
frå albumet One Dozen Berrys
B-side «Blue Feeling»
Utgjeve September 1957[1]
Innspelt 6. eller 15. mai 1957 i Chicago i Illinois[2]
Sjanger Rock and roll
Lengd 2:30
Selskap Chess 1671[1][2]
Låtskrivar(ar) Chuck Berry
Produsent Leonard Chess, Phil Chess[2]
Chuck Berry-kronologi
«Oh Baby Doll»
(Juni 1957)
Rock and Roll Music «Sweet Little Sixteen»
(Januar 1958)


«Rock and Roll Music» er ein song skriven og opphavleg spelt inn av Chuck Berry. Songen vart ein hit i 1957 og seinare spelt av mange artistar, mellom anna The Beatles og The Beach Boys.[3] Hausten 1957 nådde innspelinga hans sjetteplassen på Billboard si R&B Singles-liste og åttandeplassen på Hot 100-lista.[4]

Teksten omhandlar gledene med rock and roll samanlikna med andre musikkstilar og uttrykker at songaren berre vil danse til denne musikkstilen og ingen annan.

I 2004 rangerte Rolling Stone Berry sin versjon på 128. plassen på lista si over dei 500 beste songane gjennom tidene.[5]Songen er òg med på lista til Rock and Roll Hall of Fame over dei 500 songane som forma rock and roll.[6]

Just let me hear some of that rock and roll music
Any old way you choose it
It's got a back beat, you can't lost it,
Any old time you use it
It's gotta be rock roll music
If you wanna dance with me

Chuck Berry

Chuck Berry-versjonen[endre | endre wikiteksten]

Innspelinga til «Rock and Roll Music» fann stad 6. eller 21. mai 1957 i Chicago i Illinois. Innspelinga vart produsert av Leonard Chess og Phil Chess. Berry vart akkompagnert av Lafayette Leake (piano), Willie Dixon (bass) og Fred Below (trommer).[2]

Ei stund etter singelen kom ut i september 1957,[1] nådde «Rock and Roll Music» sjetteplassen på Billboard si R&B Singles-liste og åttandeplassen på Billboard Top 100-lista før året var omme.[4]

The Beatles version[endre | endre wikiteksten]

Rock and Roll Music
Song av The Beatles
frå albumet Beatles for Sale
Utgjeve 4. desember 1964[7]
Innspelt 18. oktober 1964
Sjanger Rock and roll
Lengd 2:30
Selskap Parlophone
Låtskrivar(ar) Chuck Berry
Produsent George Martin

The Beatles framførte songen på mange av dei tidlege konsertane sine i Hamburg, og på BBC-showet Pop Go The Beatles. Seint i 1964, då bandet var slitne etter lange turnear og innspelingar, mangla dei nye songar og valte å spele inn somme av dei gamle rock and roll- og rhythm and blues-favorittane sine for å få nok songar til albumet Beatles for Sale. Blant desse var Berry-songen som vart nesten like kjend i deira versjon som originalen. John Lennon song vokal på Beatles-versjonen. I motsetnad til den jamne vokalen til Berry, song Lennon songen så høgt og dynamisk som røysta hans kunne tole. I USA vart songen gjeven ut på albumet Beatles '65. Songen var ein del av konsertsongane deira fram til den siste turneen deira i 1966.

Songen var òg tittelspor på samlealbumet Rock 'n' Roll Music.

The Beatles sin versjon av «Rock and Roll Music» vart gjeven ut på singel i somme land, og toppa salslistene i Finland, Noreg (tre veker[8]), Nederland (dobbel a-side med «No Reply») og Australia.

Medverkande[endre | endre wikiteksten]

Medverkande i følgje The Beatles Bible[9]

The Beach Boys-versjonen[endre | endre wikiteksten]

Rock and Roll Music
Singel av The Beach Boys
frå albumet 15 Big Ones
B-side «T M Song»
Utgjeve 24. mai 1976
Innspelt 1976
Sjanger rock
Lengd 2:29
Selskap Brother/Reprise
Låtskrivar(ar) Chuck Berry
Produsent Brian Wilson
The Beach Boys-kronologi
«Sail On, Sailor»

(1975)

Rock and Roll Music «It's O.K.»

(1976)


The Beach Boys-versjonen vart det brukt korvokal som repeterte linja «Rock, roll, rockin' and roll.» Det er ein skilnad mellom versjonen dei gav ut på singel og versjonen dei gav ut på album. På albumversjonen var det meir synthesizer. Versjonen deira nådde femteplassen på den amerikanske singellista og 11. plassen i Canada sommaren 1976.[10]

Medverkande[endre | endre wikiteksten]

Lister[endre | endre wikiteksten]

Vekeslister[endre | endre wikiteksten]

Liste (1976) Plassering
Australia 35
Canada RPM Top Singles[11] 11
UK 36
US Billboard Hot 100[12] 5
US Cash Box Top 100[13] 11

Årslister[endre | endre wikiteksten]

Liste (1976) Rank
Canada[14] 112
US Billboard Hot 100[15] 81

Andre versjonar[endre | endre wikiteksten]

Songen er blitt spelt inn av mange kjende artistar, som Bill Haley & His Comets, Dickie Rock and the Miami Showband, REO Speedwagon, Mental As Anything, Humble Pie, Manic Street Preachers og Bryan Adams. Berry spelte songen 16. desember 1957 på det kortvarige varietéshowet The Guy Mitchell Show.

Kjelder[endre | endre wikiteksten]

  1. 1,0 1,1 1,2 Rudolph, Dietmar. «A Collector's Guide to the Music of Chuck Berry: The Chess Era (1955–1966)». http://www.crlf.de/ChuckBerry/chessupto1966.html. Henta December 4, 2010. 
  2. 2,0 2,1 2,2 2,3 Anthology (CD liner). Chuck Berry. USA: Geffen Records/Chess Records. 2005. s. 21, 27. 0602498805589. 
  3. «Chuck Berry: Music Biography, Credits and Diskografi». AllMusic. 1926-10-18. http://www.allmusic.com/artist/chuck-berry-mn0000120521. Henta 2014-06-13. 
  4. 4,0 4,1 «Chuck Berry: Billboard Singles». Allmusic. Rovi. http://www.allmusic.com/artist/chuck-berry-p3664/charts-awards/billboard-singles. Henta 27. juni 2017. 
  5. Jann S. Wenner, red. (December 9, 2004). «The 500 Greatest Songs of All Time». Rolling Stone (USA) (963). Arkivert frå the original 22. juni 2008. 
  6. «The 500 Songs That Shaped Rock and Roll». Rock and Roll Hall of Fame. Arkivert frå originalen den 1. juli 2017. http://www.scribd.com/doc/2989110/500-songs-that-shaped-rock-and-roll. 
  7. Howlett, Kevin; Mike Heatley (2008). «Beatles for Sale - Historical Notes». Beatles for Sale (CD liner). The Beatles. Capitol. s. 16. 0946 3 82414 2 3. 
  8. VG-lista
  9. «The Beatles Bible: Rock and Roll Music». http://www.beatlesbible.com/songs/rock-and-roll-music/. Henta 2009-04-15. 
  10. http://www.bac-lac.gc.ca/eng/discover/films-videos-sound-recordings/rpm/Pages/image.aspx?Image=nlc008388.4299a&URLjpg=http%3a%2f%2fwww.collectionscanada.gc.ca%2fobj%2f028020%2ff4%2fnlc008388.4299a.gif&Ecopy=nlc008388.4299a
  11. «Item Display - RPM - Library and Archives Canada». 
  12. Joel Whitburn's Top Pop Singles 1955-1990 - ISBN 0-89820-089-X
  13. Cash Box Top 100 Singles, July e1, 1976
  14. «Top Singles – Volume 26, No. 14 & 15, January 08 1977». RPM. Library and Archives Canada. http://www.collectionscanada.gc.ca/rpm/028020-119.01-e.php?file_num=nlc008388.5173b&brws_s=&type=1&interval=20&PHPSESSID=u9874ano8k0c5b6bkp4r8qrbp3. Henta January 22, 2016. 
  15. Musicoutfitters.com

Bakgrunnsstoff[endre | endre wikiteksten]

130:
 «Born to Be Wild» 
Steppenwolf
Plassering på lista til Rolling Stone over dei 500 beste songane gjennom tidene
129


Chuck Berry – «Rock & Roll Music»

128:
 «Changes» 
David Bowie

Mal:The Beach Boys-singlar