Ladies of the Canyon

Ladies of the Canyon Studioalbum av Joni Mitchell
Utgjeve	mars 1970
Innspelt	1969 - 1970 A&M Studios, Hollywood, California
Sjanger	Folkrock
Lengd	44:33
Selskap	Reprise
Produsent	Joni Mitchell
Kritikk
Allmusic lenkje Rolling Stone lenkje Robert Christgau (A-) lenkje
Joni Mitchell-kronologi
Clouds (1969)	Ladies of the Canyon	Blue (1971)

Ladies of the Canyon er det tredje studioalbumet til Joni Mitchell, gjeven ut i 1970. Tittelen referer til Laurel Canyon i Los Angeles, eit senter for popkulturen i Los Angeles på 60-talet. Albumet inneheld fleire av dei mest kjende songane til Mitchell, som «Big Yellow Taxi», «Woodstock» og «The Circle Game».

Mitchell utvida det kunstnariske synet sitt og songane har meir varierte tema (frå estetisk syn på kjendislivet, til eit klårsynt syn på Woodstock-generasjonen til det kompliserte kjærleikslivet) og Ladies of the Canyon vert ofte rekna som ein overgang mellom den tidlege visemusikkperioden til Mitchell og den meir sofistikerte, gripande albuma som kom seinare. Særleg syner songen «For Free» fram mot det stadig tilbakevendande temaet om isolasjonen som suksessen fører med seg, som ein finn på albuma For the Roses og Court and Spark. Det sparsame arrangementet med alternative stemmingar kjem godt fram på «Ladies of the Canyon».   Av alle verka til Mitchell er dette albumet som ligg nærast til den langvarige venskapen til Crosby, Stills, Nash & Young (som gjorde ein hardrock-versjon av «Woodstock» i 1970). Fleire av songane på albumet, mellom anna «Ladies of the Canyon» og «Woodstock», har tette, ordlause harmoniar som minnar om stilen til David Crosby. Crosby sjølv har spelt «For Free» i mange år. «Willy» er ein jenteaktig, forelska hymne til Graham Nash. «The Circle Game», ein av dei mest kjende songane til artisten, inneheld korvokal frå alle fire. «Big Yellow Taxi» har òg vorte ien standard i løpet av åra, sampla av Janet Jackson. I 1995 spelte Annie Lennox songen «Ladies of the Canyon» og gav han ut som B-sida til singelen «No More I Love You's».  

Innhald

Alle songar er skrivne av Joni Mitchell. 

#	Tittel	Lengd
1.	«Morning Morgeltown»	03:12
2.	«For Free»	04:31
3.	«Conversation»	04:21
4.	«Ladies of the Canyon»	03:32
5.	«Willy»	03:00
6.	«The Arrangement»	03:32
7.	«Rainy Night House»	03:22
8.	«The Priest»	03:39
9.	«Blue Boy»	02:53
10.	«Big Yellow Taxi»	02:16
11.	«Woodstock»	05:25
12.	«The Circle Game»	04:50

 

Medverkande

• Joni Mitchell - gitar, piano, vokal
• Teresa Adams - cello
• Paul Horn - klarinett, fløyte
• Jim Horn - barytonsaksofon
• Milt Holland - perkusjon
• The Saskatunes - bopvokal
• The Lookout Mountain United Downstairs Choir - kor på «The Circle Game»
• Don Bagley - celloarrangement

 

Kjelder

• Denne artikkelen bygger på «Ladies of the Canyon» frå Wikipedia på engelsk, den 19. januar 2011.
  • Wikipedia på engelsk oppgav desse kjeldene: