Shapinsay

Frå Wikipedia – det frie oppslagsverket
Gå til: navigering, søk
Shapinsay
Geografi
Shapinsay is located in
Stad Atlanterhavet
Koordinatar 59°3′ N 2°52′ WKoordinatar: 59°3′ N 2°52′ W
Øygruppe Orknøyane
Areal 29,48 km²
Høgaste punkt Ward Hill (64 moh.)
Administrasjon
Land Skottland
Region Orknøyane
Største busetnad Balfour
Demografi
Folketal 300 (2001)
Folketettleik 10,2 /km²

Shapinsay er ei øy i Orknøyane utanfor nordkysten av Skottland. Det er éin landsby på øya, Balfour som har ferjesamband til KirkwallOrkney Mainland. Balfour Castle, bygt i skotsk baronistil, er ein av dei største attraksjonane på øya og eit minnesmerke etter familien Balfour som levde her på 1700- og 1800-talet. Familien Balfour omforma livet på øya ved å innføre nye jordbruksteknikkar. Andre landemerker er ein ståande stein, ein broch frå jernalderen og ein saltvassdusj.

Øya har eit areal på 29,5 kvadratkilometer og er den åttande største øya i Orknøyane. Ho er låg og frodig og det meste av ho vert nytta til jordbruk. Shapinsay har to naturreservat og er kjend for fuglelivet.[1]

Mor Stein, ein ståande stein

I 2001 hadde Shapinsay 300 innbyggjarar.[2] Økonomien på øya er hovudsakleg basert på jordbruk, bortsett frå nokre små føretak som hovudsakleg er basert på turisme. Det er planar om å byggje vindturbinar på øya.[3]

Namnet på øya er ikkje like enkelt å tolke som mange av dei andre øynamna i Orknøyane. Den siste stavinga 'ay' kjem frå norrønt for øy, men dei to første stavingane er meir vanskeleg å tyde.

Kjelder[endre | endre wikiteksten]

  1. «Island Explorations—Shapinsay». The Orkney Website. http://www.orkney.org/islands/shapinsay.htm. Henta 20. mars 2010. 
  2. «Notes on the 2001 Census» (Microsoft Word document). Orkney Local Economic Forum. Highlands and Islands Enterprise. 10. juli 2007. http://www.hie.co.uk/ORK-Orkney-LEF-related-documents/ORK-lef-04-03-2001-census-info.doc. Henta 20. mars 2010. 
  3. «Shapinsay is positive about the future». Orkney Today. 20. september 2007. 

Bakgrunnsstoff[endre | endre wikiteksten]