Einar Moxnes

Frå Wikipedia – det frie oppslagsverket
(Omdirigert frå Einar Hole Moxnes)
Einar Moxnes

Fødd11. juni 1921
Alstahaug kommune
Død20. januar 2006 (84 år)
Statsborgar avNoreg
PartiSenterpartiet
Yrkepolitikar, agronom
BarnAgnes Moxnes
Alle verv
  • stortingsrepresentant (1969–1973)
  • Norsk landbruksminister (1972–1973)
  • Noregs fiskeri og havminister (1968–1971)
  • fylkesmann i Sør-Trøndelag (1974–1986)
  • vararepresentant til Stortinget (1958–1961)
  • vararepresentant til Stortinget (1961–1965)
  • vararepresentant til Stortinget (1965–1969)
  • vararepresentant til Stortinget (1973–1977)
  • stortingsrepresentant (fast møtande vararepresentant, 1965–1968) Sjå dette på Wikidata

Einar Hole Moxnes (11. juni 192120. januar 2006) var ein stortingsrepresentant, statsråd og fylkesmann, fødd i Alstahaug i Nordland. Han var fiskeriminister 1968-71 og landbruksminister 1972-73.

Liv og gjerning[endre | endre wikiteksten]

Moxnes voks opp på Alstahaug i Nordland og Bjugn i Sør-Trøndelag. Han gjekk landsgymnaset på Steinkjer, der han tok eksamen i 1946. Frå 1951 arbeidde han som heradsagronom i Åfjord til 1974.

Moxnes var ordførar i Åfjord frå 1956 til 1966 og formann i Sør-Trøndelag fylkesting frå 1958 til 1963.

Moxnes møtte for fyrste gong på Stortinget som vararepresentant i 1959. Frå 1965 til 1968 møtte han fast på Tinget som fyrste vararepresentant for Sør-Trøndelag, etter som Per Borten var statsminister. Han var medlem av Sjøfart- og fiskerikomiteen. I 1968 tok Moxnes over som fiskerminister etter dødssjuke Oddmund Myklebust, eit ombod han hadde til Borten-regjeringa gjekk av i mars 1971. Moxnes tok då sete på Stortinget som fast representant og medlem av Justiskomiteen. Frå oktober 1972 til same tid året etter var han landbruksminister i Korvald-regjeringa.

I 1974 vart Moxnes utnemnd til fylkesmann i Sør-Trøndelag og gjorde teneste fram til han gjekk av med pensjon i 1986. Han var leiar av Statens Friluftsråd 1982–83. Elles leia han to statlege fagutval:

  • Lakse- og innlandsfiskelovutvalet (Lov om anadrome laksefisk og innlandsfisk, NOU 1987: 2)
  • Utval som greidde ut om organiseringa og arbeidsvilkåra i fiskeindustrien (Fiskeindustriens organisering og rammevilkår, NOU 1990: 24)

Kjelder[endre | endre wikiteksten]