Helga Pedersen

Helga Pedersen
Fødd	13. januar 1973 Sør-Varanger
Parti	Arbeidarpartiet
1. verv	Stortingsrepresentant for Finnmark
- periode	2009–
2. verv	Nestleiar i Arbeidarpartiet
- periode	2007–2015
- etterfylgjar	Hadia Tajik/Trond Giske
3. verv	Norsk fiskeri- og kystminister
- periode	2005–2009
- etterfylgjar	Lisbeth Berg-Hansen

Helga Pedersen (fødd 13. januar 1973) frå Vestertana i Tana kommune i Finnmark fylke er ein norsk politikar. Ho er ordførar i Tana kommune for perioden 2019-2023. Ho er medlem av Arbeidarpartiet, og var statsråd i Fiskeri- og kystdepartementet i regjeringa Stoltenberg II frå 17. oktober 2005 til 2. oktober 2009. Pedersen blei valt til nestleiar i Arbeiderpartiet i 2007. Ho var fylkesordførar i Finnmark frå 2003 til oktober 2005.

Ho var frå 2001 student på hovudfag i historie. Frå januar 2001 arbeidde ho i halv stilling for UNEP/GRID-Arendal. Ho er utdanna Cand.mag med mellomfag historie frå UiT 1998, grunnfag russo-sovjetiske studiar 1996 og mellomfag russisk ved UiB i 1995. Pedersen var førstekonsulent i Finnmark fylkeskommune i 1999-2000, var knytt til Samisk nærings- og utredningssenter i 1998, ungdomssekretær ved AUF i Finnmark i 1997 og lærar/assistent på Boftsa skole 1992-1997.

Helga Pedersen har vore fast representant på Finnmark fylkesting frå februar 2000, medlem av Arbeidarpartiets samepolitiske råd frå 1998 og medlem i Finnmark Arbeiderpartis kvinnepolitiske styre frå 1998. Ho var òg politisk rådgjevar i Nærings- og handelsdepartementet frå 17. april til 19. oktober 2001.

Ho er kandidat for valg av ordfører i Tana kommune i 2019.

Bakgrunnsstoff

• regjeringa.no: Fiskeriministeren