Høykanon

Frå Wikipedia – det frie oppslagsverket
Hopp til navigering Hopp til søk
Høykanon driven frå kraftuttaket på ein traktor.

Høykanon er ei jordbruksmaskin som vert nytta for å transportera høy inn på ein låve. Maskina er sett saman av ei sentrifugalvifte, som genererer ein kraftig luftstraum, og eit langt røyr[1]. Den kraftige luftstraumen i røyret riv med seg høyet og bles det ut i enden av røyret, som ofte går inn på låven gjennom ein glugge. Maskina kan vera driven av ein elmotor eller frå kraftuttaket på ein traktor. Høyet vert mata inn i maskina manuelt, ofte med høygaffel, eller direkte frå ei avlessarvogn. Høykanon kan òg nyttast for å transportera halm. Det er fyrst og fremst i gamle driftsbygningar, der det ikkje er mogleg å køyra inn på låven med traktor, at høykanonane har vorte nytta. Oergangen til surfor førte til at bruken minka.

Referansar[endre | endre wikiteksten]

  1. E. Glemmestad, Maskiner i landbruket, Landbruksforlaget, 2. utg., 1974.