Maren Mjelde

Frå Wikipedia – det frie oppslagsverket
Hopp til navigering Hopp til søk
Maren Mjelde
Maren Mjelde.jpg
Fødd 6. november 1989
Bergen
Yrke fotballspelar
Maren Mjelde på Commons

Maren Nævdal Mjelde (fødd 6. november 1989) er ein norsk fotballspelar frå Espeland i Bergen. Ho har pr 15.7.2017 spelt 116 landskampar for Noreg og skåra 17 mål. Mjelde spelte EM-finalen 2013 mot Tyskland, der det vart norsk tap med 0-1. Erik Mjelde er hennar eldre bror.

Aktiv[endre | endre wikiteksten]

Mjelde debuterte på Arna-Bjørnar i 2005 og spelte på laget til 2012. Frå 2013 var ho i halvtanna år aktiv i tyske Turbine Potsdam, før ho sommaren 2014 melde overgang til svenske Kopparberg. Der etter var ho Avaldsnes-spelar i sesongane 2015-16. Frå 2017 til -18 har Mjelde kontrakt med engelske Chelsea FC.

Landslagsdebuten fekk Mjelde 27. oktober 2007. Det neste året var ho kaptein på det norske laget som tok seg heilt til finalen i europameisterskapen for juniorar (J-19). Frå mars 2009 var ho tilbake på Noregs landslag og deltok både i Fotball-EM 2009 og VM 2011, oftast plassert på høgrebacken, men òg som midstoppar. Under EM i fotball 2013 i Sverige var Mjelde ein av dei beste norske spelarane i ein meisterskap som enda med finaletap 0-1 mot Tyskland. To år seinare utmerkte ho seg med eit frisparkmål i ein kamp mot Tyskland under Fotball-VM 2015, der Noreg seinare rauk ut allereie i åttedelsfinalane.

Sidan hausten 2015 har Mjelde vore kaptein for Noreg. Dei siste åra har ho på landslaget vekselvis vore midtstoppar og midtbanespelar.

Merittar[endre | endre wikiteksten]

  • EM-sølv: 2013
  • EM-semifinalist: 2009

Kjelder[endre | endre wikiteksten]