Viking Fotballklubb
 | |||
| Fullt namn | Viking Fotballklubb | ||
|---|---|---|---|
| Kallenamn | Dei mørkeblå | ||
| Grunnlagd | 10. august 1899 | ||
| Heimebane | Lyse Arena (kapasitet: 15 900) | ||
| Hovudtrenar |  Noreg Bjarte Lunde Aarsheim Noreg Morten Jensen | ||
| Supporterklubb | Vikinghordene | ||
| Liga | Eliteserien (2025) | ||
| Nettstad | Heimeside | ||
| |||
 Noverande sesong | |||
Viking Fotballklubb er ein norsk fotballklubb frå Stavanger i Rogaland. Klubben har både herrelag og damelag.[1][2]
Herrelaget spelar i Eliteserien, medan damelaget spelar i 1. divisjon frå og med 2025-sesongen. I tillegg har Viking breiddeverksemd og lag på fleire nivå i seriesystemet.
Klubben vart grunnlagd den 10. august 1899 og er den største og leiande fotballklubben i Rogaland. Viking vert rekna som eitt av dei mest meritterte laga i norsk fotball gjennom tidene, med ni seriemeisterskap og seks cupmeisterskap.
Viking spelar heimekampane sine på Lyse Arena i Jåttåvågen (tidlegare kjent som Viking stadion). Stadion vart opna den 1. mai 2004. Før det nye stadionet opna, var Stavanger stadion på Eiganes heimebana. Draktene til laget består tradisjonelt av mørkeblå trøyer, kvite bukser og mørkeblå sokkar.
Viking kvinner
[endre | endre wikiteksten]Utdjupande artikkel for dette emnet er Viking Fotballklubb Kvinner.
Viking sitt damelag spelar i 2025-sesongen i 1. divisjon fotball for kvinner. Laget spelar heimekampane sine på Lyse Arena i Jåttåvågen, som vart opna i 2004.
Draktene til Viking Kvinner er dei same som for herrelaget: mørkeblå trøyer, kvite bukser og mørkeblå sokkar.
Viking menn
[endre | endre wikiteksten]Med andreplassen sin på maratontabellen[når?] er herrelaget til Viking eitt av dei mest suksessrike fotballaga i Noreg gjennom historia. Laget har spela i toppdivisjonen sidan denne vart etablert, med unntak av sesongane 1966–67, 1987–88 og 2018.
Viking har til saman vunne åtte seriemeisterskap og seks noregmeisterskap. Herrelaget spelar heimekampane sine på Lyse Arena. Tilskodarrekorden på stadion for seriekamp er 16 600 mot Brann 24. juni 2007. Kapasiteten er 15 900 tilskodarar.
Eliteserien 2025
[endre | endre wikiteksten]Utdjupande artikkel for dette emnet er Viking Fotballklubb (menn) i 2025.
Spelarstall (herrar)
[endre | endre wikiteksten]Oppdatert 15. juli 2025 [3]
Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.
|
|
Utlånte spelarar
[endre | endre wikiteksten]Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.
|
|
Historie
[endre | endre wikiteksten]Idrettslaget Viking vart grunnlagd i Stavanger 10. august 1899. Den første fotballen som Viking kjøpte, vart levert frå Hall & Hamlin i Hull i England i september 1899.[4] På 1950-talet hadde klubben grupper for herrefotball, friidrett, boksing, bryting, handball og orientering. I 1986 vart idrettslaget delt opp i Viking Fotballklubb, Viking Ishockeyklubb og Viking Håndball.
Viking FK er ein av dei mest suksessrike klubbane i norsk fotballhistorie. Herrelaget har andreplass på maratontabellen frå 1949 til 2018.[5] Viking har spela i toppdivisjonen med berre tre korte unntak (1966–67, 1987–88 og 2018). Klubben har til saman vunne ni seriemeisterskap (1958, 1972, 1973, 1974, 1975, 1979, 1982, 1991, 2025) og seks noregmeisterskap (1953, 1959, 1979, 1989, 2001 og 2019).
Lyse Arena
[endre | endre wikiteksten]Utdjupande artikkel for dette emnet er Viking stadion.
Lyse Arena (tidlegare Viking stadion) er heimearenaen til Viking. Frå 1917 spelte Viking heimekampane sine på Stavanger stadion, men på 2000-talet kom det konkrete planar om å flytta og byggja eit nytt fotballstadion. 1. mai 2004 vart Viking stadion opna då Viking spelte 1–1 i seriekampen mot Molde framfor 15 300 tilskodarar. Tilskodarsnittet den sesongen vart 12 439, det høgaste snittet i Vikings historie. Den noverande rekorden er frå 2007, med 15 936 i snitt.[6]
Stadion ligg ved Jåttåvågen i Hinna bydel. Anlegget har berre sitjeplassar, varmelampar i taket og moderne fasilitetar. Lyse Arena har òg VIP-område med plass til om lag 1 040 VIP-gjester, og den totale tilskodarkapasiteten er 15 900. Arenaen vert òg nytta til større konsertar.
Merittar (herrar)
[endre | endre wikiteksten]Flest mål for Viking (herrar)
[endre | endre wikiteksten]| Spelar | Mål | Periode |
|---|---|---|
| Reidar Kvammen | 202 | 1931–1952 |
| Trygve Johannessen | 181 | 1974–1982 |
| William Danielsen | 180 | 1931–1952 |
| Arthur Kvammen | 176 | 1924–1940 |
| Egil Østenstad | 167 | 1990–2005 |
Flest kampar for Viking (herrar)
[endre | endre wikiteksten]
| # | Spelar | Kampar | Periode |
|---|---|---|---|
| 1 | André Danielsen | 553 | 2003–2019 |
| 2 | Svein Kvia | 551 | 1965–1980 |
| 3 | Sigbjørn Slinning | 523 | 1961–1982 |
| 4 | Erik Johannessen | 501 | 1971–1983 |
| 5 | Torbjørn Svendsen | 500 | 1974–1986 |
| 6 | Sverre Andersen | 482 | 1952–1971 |
| 7 | Thomas Pereira | 431 | 1997–2009 |
| 8 | Bjarte Lunde Aarsheim | 425 | 1993–2005 |
| 9 | Olav Nilsen | 414 | 1959–1974 |
| 10 | Isak Arne Refvik | 407 | 1976–1986 |
Kjende spelarar
[endre | endre wikiteksten]
André Danielsen er den Vikingspelaren med flest kampar, med 553 før han la opp i 2019.[7]
Supporterklubb
[endre | endre wikiteksten]Vikinghordene er Viking sin offisielle supporterklubb. Viking Oslo er supportergruppa i Oslo, medan Viking Hamar er supportergruppa på Hamar.[8][9]
Kjelder
[endre | endre wikiteksten]- ↑ «A-lag kvinner : Spillere». Viking. Henta 30. mars 2022.
- ↑ «A-lag herrer : Spillere». Viking. Henta 30. mars 2022.
- ↑ A-lag menn
- ↑ Stavanger Aftenblad: «Fra fotballens barndom i Stavanger», 9. november 1937, s. 6.
- ↑ «Eliteserien – statistikk». fotballen.eu. Arkivert frå originalen 1. mars 2019. Henta 24. mai 2019.
- ↑ Årsrapport for Viking Fotball ASA[daud lenkje]
- ↑ «Her blir Viking-legenden Danielsen historisk». Aftenbladet (på norsk). Henta 15. november 2019.
- ↑ «Hylles av Burchnall». Dagsavisen (på norsk). 2. juni 2017. Arkivert frå originalen 13. juni 2018. Henta 20. juni 2018.
- ↑ «Viking Hamar (Facebook-gruppe)». Henta 26. mars 2021.