Øyer kommune

Frå Wikipedia – det frie oppslagsverket
Gå til: navigering, søk
Øyer kommune
Våpen Kart
Komm.nr. 0521
Fylke Oppland
Adm.senter Tingberg
Areal 640 km²
Folkemengd 5 102 (1. jan 2012)
Politikk
Ordførar (2007-2011) Mari H. Botterud (H)
Målform Nøytral
Nettstad www.oyer.kommune.no
Folketalsutvikling 1951-2010[1]
Befolkningsutvikling kommune 0521.svg
Øyer kommune på Commons

Øyer er ein kommune i Oppland. Han grensar til Ringebu i nord, Stor-Elvdal i aust, Ringsaker og Lillehammer i sør, og Gausdal i vest. Kommunen omfattar to sokn, Øyer og Tretten, og administrasjonssenteret ligg på Tingberg. Totalarealet er ca. 640 km² av dette er rundt 20 km² vatn.[2]

Namn og symbol[endre | endre wikiteksten]

Nament «Øyer» er ei skriftform av «øy» i tydinga 'låglende ved vatn'. Vatnet det er snakk om må då vera Gudbrandsdalslågen.[3] Kommunevåpenet viser «På grønn bunn en sølv hærder», det vil seia ein trering som tidlegare blei brukt til å setja fast tau rundt lass eller bører.[2]

Geografi[endre | endre wikiteksten]

Øyer har tradisjonelt vore ein jord- og skogbrukskommune. Jordbruksarealet er på rundt 32 000 daa, produktivt skogareal på rundt 163 000 daa og utmarksarealet rundt 360 000 daa. Det er om lag 180 gardsbruk i drift i kommunen som til saman har 1 200 mjølkekyr, 350 ammekyr og om lag 8 000 sauer og lam på beite om sommaren. Øyer har òg ein viss svineproduksjon, og kommunen har nav i ein purkering og i ein teststasjon for storfe.[2]

I Øyer har fjellet lenge vore viktig, også som jordbruksområde. På 1960-talet dyrka ein opp store område på fjellet, og i dag ligg ein tredjedel av all dyrka mark her. Store delar av området er statsallmenning, det vil seie at staten er grunneigar medan bruken blir administrert av fjellstyret.[2]

Gudbrandsdalslågen er rekna som ei god fiskeelv. Lågen og tilførande elvar kan medføra flaumfare, og ein storflaum i 1995 skapte store øydeleggingar i Tretten. I mai 2013 truga ein ny flaum, men kommunen kom frå han utan større skader.[4]

Frå Hafjell om vinteren.

Reiseliv og fritid[endre | endre wikiteksten]

Førebuingane til OL på Lillehammer i 1994 førte til kraftig utbygging fjellet for reiselivsutbygginga. Ved Hafjell Alpinanlegg finst hotell, leilegheiter, storhytter og mange nye private hytter.[2] Nord for alpinsenteret ligg golfbanen Hafjell Golf med ni hol.[5] Det finst likevel også mange urørte fjellområde i kommunen.[6]

Det finst idrettsanlegg både i Øyer og på Tretten og ein idrettshall på Tretten, og fleire lysløyper her: Ved Tretten idrettshall, i Musdal som også er skiskyttarløype, på Granrudmoen og på Lisetra.[2]

Verdt å sjå i Øyer[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Øyer kommune

Fotnotar[endre | endre wikiteksten]

  1. Kjelde: SSB
  2. 2,0 2,1 2,2 2,3 2,4 2,5 «Om Øyer» ved oyer.kommune.no.
  3. «Om Øyer» ved oyer.kommune.no, som oppgav Norsk stadnamnleksikon.
  4. «Om flommen», oyer.kommune.no; «E6 i Øyer bestod flomtesten», vegvesen.no
  5. http://www.hafjellgolf.no/
  6. «Severdigheter», oyer.kommune.no