Arne Bendiksen

Arne Joachim Bendiksen (19. oktober 1926–26. mars 2009) var ein norsk songar, låtskrivar og plateprodusent. Han vart fødd i Bergen

Han hadde på 1950- og 1960-talet stor påverknad innan norsk populærmusikk. Først var han kjend som medlem av gruppa The Monn Keys, og seinare som solist og låtskrivar for andre artistar.

I tillegg til å skrive eigne songar, omsette Arne Bendiksen mange utanlandske slagerar til norsk. Han har og delteke i Melodi Grand Prix ei rekke gonger, både som artist, komponist og dirigent. I Eurovision Song Contest 1964 framførte han Noreg sitt bidrag; «Spiral». Då avstemminga var over, hadde han fått seks poeng og hamna på ein åttande plass av seksten deltakarar.

I 1995 mottok han juryen sin heiderspris under Spelemannprisen og vann Gammleng-prisen i klassen veteran i 1992.

Han stod for lanseringa av kjende artistar som Wenche Myhre og Kirsti Sparboe.

I 1996 vart han tildelt han Kongens fortenestmedalje i gull.

Kjende songar

• «I dag har jeg brent mine kjærlighetsbrev»
• «Davy Crockett»
• «Intet er nytt under solen» (Åse Kleveland)
• «Jeg vil ha en blå ballong»
• «La meg være ung» (Wenche Myhre)
• «Oj, oj, oj så glad jeg skal bli» (Kirsti Sparboe)
• «Lykken er» (Hanne Krogh)

Filmografi

• 1968 Festival i Venedig (TV) Alex Bryan, Virginia sin manager
• 1964 Operasjon Sjøsprøyt Amandus, maskinmann
• 1962 Operasjon Løvsprett Kenny, umilitært individ