Avokado

Frå Wikipedia – det frie oppslagsverket
Gå til: navigering, søk
Avokado


Avokado på treet
Avokado

Systematikk
Rike: Plantae
Rekkje: Magnoliophyta
Klasse: Magnoliopsida
Orden: Laurales
Familie: Lauraceae
Slekt: Persea
Vitskapleg namn
Persea americana

Avokadoen (Persea americana) høyrer til laurbærfamilien (Lauraceae). Opphavleg frå Sør-Mexico er det eit tre som kan veksa seg opp til 20 meter høgt. Allereie aztekarane kultiverte planta. I dag blir det dyrka over 400 sortar i tropiske område over heile verda, til dømes i Sør-Afrika, Israel og California.

Etymologi og historie[endre | endre wikiteksten]

Ordet «avokado» stammar frå nahuatl-ordet ahuacatl som også tyder ‘testikkel’. Spanjolane gjorde det om til avocado – eit uttrykk dei var vande med, sidan det var eit gammalt ord for ‘advokat’. Tidlegare blei avokadoen også kalla abacata (frå portugisisk).

Ordet «guacamole», som er eit meksikansk ord for ein dipp laga av avokado, kjem frå nahuatl-ordet ahuacamolli (‘avokadosuppe’, ‘avokadosaus’).

Frukta vart første gong nemnd i ei bok i 1519.

Blomar og blad på avokadotreet.

Eigenskapar[endre | endre wikiteksten]

Avokadotreet er alltid grønt og veks raskt i varme og relativt tørre område. Treet har mørkegrøne, opp til 40 cm lange blad. Dei små blomane er gulgrøne. Etter omtrent 10 år byrjar treet å bere frukt. Dei fleste sortane ber frukt to gonger årleg. Den mest kjende avokadosorten er Hass-Avokado med sitt mørkegrøne, knudrete skal. Andre sortar som blir brukt til dyrking er Bacon-Avokado (sjå bilete), Fuerte-Avokado og Zutano-Avokado. Den minste er Cocktail-Avokado. Avokadofrukta inneheld mykje umetta feittsyre. Nokon sortar har vore i bruk i medisinske samanhengar til dømes som bakterisid og mot diare.

Oppskoren avokado

Avokadofrukt[endre | endre wikiteksten]

Avokadofrukta, som opphavleg er eit bær, er rund til pæreaktig i fasongen og har ein nøtteaktig smak. Det lêraktige skalet varierer med sortane frå grøn til mørkegrøn. Steinen inni ein vaksen frukt er om lag så stor som ein golfball. Fruktkjøtet er gulgrønt til gullgult, men fargar seg mørkt dersom det blir utsett for luft (pga. oksidering).

Fruktene som ein får i butikk er ofte framleis harde, og modnar etter kvart. Når skalet gir etter for lett trykk, er avokadoen moden nok til matbruk.

Avokadofrukter modnar aldri fullstendig på treet, men dett i hard tilstand ned på bakken der dei modnar fort. Under dyrkinga blir dei harde fruktene plukka så fort som dei er store nok.

Som mat[endre | endre wikiteksten]

Guacamole laga av avokado.

Medan skalet ikkje er etande, er fruktkjøtet rundt steinen veldig næringsrikt. Kjøtet er mjukt, kremaktig og ikkje søtt. Før ein et frukta vert den normalt delt i to. Steinen kan fjernast til dømes ved hjelp av ei skei, slik at ein kan ta ut det smøraktige fruktkjøtet. Kjøtet kan etast ublanda. Krydra med litt sitron- eller limesaft og salt, kan avokadomos brukast som påleggbrødskiver eller som saus til dømes på maispannekakeer (tortilla). Sitron- eller limesaft hindrar oksidering og dermed at fruktkjøtet fargar seg brunt.

Avokado blir ofte brukt til vegetarisk sushi. I det brasilianske kjøkkenet vert avokado brukt i milkshake (såkalla: «vitamina de abacate») og iskrem. Det vegetare kjøkkenet sett pris på avokadoen som erstatning for kjøt eller ost.

Ei kjend oppskrift er den meksikanske guacomolen, som er ein dipp laga av most avokado, tomatar, chili og fersk koriander.

Næringsinnhald[endre | endre wikiteksten]

Per 100 gram:

Energi: 221 kcal
Fiber: 6,3 g
Karbohydrat: 0,4 g
Feitt: 23,5 g
Protein: 1,9 g
Vatn: 66 %

Avokadoen er rik på kalium, folsyre og vitamin B6. I tillegg inneheld frukta pantothensyre, A- og C-vitaminar, magnesium, kopar, nikotinsyre, jern og sink.

Annan bruk[endre | endre wikiteksten]

Allereie aztekarane brukte avokadoolje og andre delar av planta, og i dag brukast avokadoen også til kosmetikk og medikament. Det blir dessutan laga møblar av trevyrket.

Botaniske særpreg[endre | endre wikiteksten]

Barlow og Martin har funne ut at avokadoplanta har utvikla seg i økologisk samband med store pattedyr som no er utdøydd (til dømes bakkdovendyr og sør-amerikanske gomphotheriidar). Dyra åt avokadofrukter med den svakt giftige steinen som seinare kom ut med avføringa langt frå morplanta. I dag er det berre menneske som spreier avokadosteinane.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Avokado