Judy Dyble

Frå Wikipedia – det frie oppslagsverket
Gå til: navigering, søk
Judy Dyble
Verkeleg namn Judy Aileen Dyble
Fødd 13. februar 1949 (65 år), London
Instrument vokalist, autoharpe, piano, blokkfløyte
Aktive år 1960-åra til i dag
Yrke Musikar
Tilknytte artistar Fairport Convention
Giles, Giles and Fripp
Trader Horne
Nettstad www.judydyble.com

Judith Aileen Dyble, betre kjend som Judy Dyble, (fødd 13. februar 1949) er ein prisvinnande britisk songar og låtskrivar, som er mest kjend for å ha vore med på å starte Fairport Convention. Ho vert ofte omtalt som ein folkrock-artist, sjølv om ho faktisk aldri gjorde innspelingar innan denne sjangeren med bandet. Ho har òg spelt i Trader Horne og var ei kort stund med i starten av King Crimson. I tillegg har ho stundom arbeidd på ei solokarriere og i 2009 gav ho ut det prisvinnande albumet Talking with Strangers.

Biografi[endre | endre wikiteksten]

Det første bandet hennar var Judy and The Folkmen, som eksisterte mellom 1964 og 1966. Ho vart så den første vokalisten i Fairport Convention frå 1967 til 1968. Albumet spelte inn debutalbumet med ho. Under konsertane seint på 1960-talet delte ho scene med namn som Jimi Hendrix og Pink Floyd med Syd Barrett. Ho er mellom anna kjend for å ha sete på scenen og strikka medan Hendrix og Richard Thompson spelte i lag. Dyble var òg gjest på The Incredible String Band-albumet The Hangman's Beautiful Daughter i 1968 og på G.F. Fitz-Gerald sitt Mouseproof i 1970.

Etter Fairport Convention, vart Dyble (i lag med den dåverande kjærasten Ian McDonald) med i det engelske popbandet Giles, Giles and Fripp[1] ved å sette inn ei annonse i Melody Maker.[2] Bandet, utan Dyble, utvikla seg etter kvart til det progressive rockebandet King Crimson.

Dyble starta seinare duetten Trader Horne, med tidlegare Them-medlem Jackie McAuley.[3]

I 1973 forlet Dyble musikkindustrien for å arbeide med ektemannen DJen Simon Stable og seinare arbeidde ho som bibliotekar.

I 1981 under den årlege Fairport Convention-gjenforeininga dukka Dyble overraskande opp som gjesteartist. Ho dukka òg opp i 1982, og på 30- og 40-årsjubileet deira.

I 2003 byrja Dyble å skrive låtar og spele igjen og ho gav ut fleire album.

Diskografi[endre | endre wikiteksten]

Album
Tittel Artist Selskap Katalognr. Utgjeve Region
Fairport Convention Fairport Convention Polydor 583 035 Juni 1968 UK
Morning Way Trader Horne Dawn DNLS 3004 Mars 1970 UK
Janus JLS3012 USA
Enchanted Garden Judy Dyble Talking Elephant TECD 068 September 2004 UK
Spindle Judy Dyble Talking Elephant TECD 084 Februar 2006 UK
The Whorl Judy Dyble Talking Elephant TECD 094 Juli 2006 UK
Talking with Strangers Judy Dyble FiXiT/Brilliant FXTRCD 113 August 2009 UK

Kjelder[endre | endre wikiteksten]

  1. «Giles,Giles & Fripp feat Judy Dyble I Talk To The Wind». YouTube. 26 February 2009. http://www.youtube.com/watch?v=q1aPE9CdQX0. Henta 27. januar 2011. 
  2. Barroso, Koldo (March 2007). «Interview with Judy Dyble of Fairport Convention». The Marquee Club. http://www.themarqueeclub.net/interview-with-judy-dyble-of-fairport-convention. Henta 27. januar 2011. 
  3. «Judy Dyble». Burning Shed. 2009. http://www.burningshed.com/store/judydyble/. Henta 27. januar 2011. 

Bakgrunnsstoff[endre | endre wikiteksten]