Jon Norbom

Frå Wikipedia – det frie oppslagsverket
(Omdirigert frå Jon Ola Norbom)
Hopp til navigering Hopp til søk
Jon Norbom
Jon Ola Norbom.jpg
Fødd 15. desember 1923

Bærum

Parti Venstre

Jon Ola Hauger Norbom (fødd 15. desember 1923) i Bærum, er ein norsk økonom og politikar for Venstre. Han var formann i Unge Venstre frå 1950 til 1952 og finansminister i 363 dagar i regjeringa Korvald.

Etter artium i 1942 sat han tre månader på Grini. Han begynte deretter på studiet i sosialøkonomi før han hamna 18 månader i tysk fangenskap i Buchenwald.[1] Etter sosialøkonomisk embetseksamen i 1949 begynte Norbom i Industridepartementet. Frå 1950 til 1952 var han formann i Unge Venstre. Han jobba i fleire år for internasjonale organisasjonar, frå 1955 til 1959 for FN i New York, og 1959 til 1963 for GATT i Genève.

Frå 1967 til 1969 var han statssekretær hjå Ole Myrvoll i finansdepartementet i regjeringa Borten. I 1972 var han igjen i Genéve, og blei henta heim for å bli finansminister i Korvald-regjeringa, frå 18. oktober 1972 til 16. oktober 1973.

Etter Korvald-regjeringa reiste Norbom tilbake til Genève og ei stilling i UNCTAD/GATT. Frå 1984 til 1993 var han departementsråd i Sosialdepartementet.

Kjelder[endre | endre wikiteksten]

  1. Kristian Ottosen (red.): Nordmenn i fangenskap 1940–1945 (Oslo: Universitetsforlaget, 2004).