Just Like Tom Thumb's Blues

Frå Wikipedia – det frie oppslagsverket
Gå til: navigering, søk
«Just Like Tom Thumb's Blues»
Song av Bob Dylan
frå albumet Highway 61 Revisited
Utgjeve 30. august 1965
Innspelt Columbia Studios, New York, 2. august 1965
Sjanger Folkrock
Lengd 5:31
Selskap Columbia
Låtskrivar(ar) Bob Dylan
Produsent Bob Johnston

«Just Like Tom Thumb's Blues» er ein song av Bob Dylan, gjeven ut på albumet hans Highway 61 Revisited i 1965. Songen vart spelt inn same dag som «Ballad of a Thin Man», «Highway 61 Revisited» og «Queen Jane Approximately».[1][2][3] Songen vert rekna som eit av meisterverka til Bob Dylan i 1960-åra og ein komisk tour de force.[4]

Teksten[endre | endre wikiteksten]

I don't have the strength
To get up and take another shot
And my best friend, my doctor
Won't even say what it is I've got

Bob Dylan

«Just Like Tom Thumb's Blues» held fram reisesoga frå den førre songen på albumet, «Highway 61 Revisited».[5] Songaren har kome til Juarez i Mexico rundt påske, og finn seg midt i sjukdom, fortviling, horer og helgenar.[6] Medan han er her møter han tvilsame kvinner som Saint Annie og Sweet Melinda, samt korrupte styresmakter og drikk og tar dop for å kome seg gjennom den hjelpelause situasjonen.[4] Songen dannar eit marerittaktig bilete etter kvart som songaren verd dradd ned av negativitet, drikking, sjukdom, anger og minna sine.[6] I det overraskande siste verset får songaren nok og reiser tilbake til New York City, der ting kanskje er betre.[6]

Som mange songar på Highway 61 Revisited er «Just Like Tom Thumb's Blues» full av litterære referansar, som til Malcolm Lowry-romanen Under the Volcano,[6] ei gate i Edgar Allan Poe-novella «The Murders in the Rue Morgue»[6] og tittelen er ein referanse til Rimbaud sitt «My Bohemian Life (Fantasy)» der Rimbaud omtalar seg sjølv som «Tom Thumb in a daze».[7]

Musikk[endre | endre wikiteksten]

Musikalsk har ikkje «Just Like Tom Thumb's Blues» noko refreng men seks AAAA rimvers. Piano, trommer og vokal gjev musikken djupne.[8] Det er nytta to piano, Al Kooper på elektrisk Hohner Pianet og Paul Griffinspikerpiano.[7]

Andre utgjevinga og ettermæle[endre | endre wikiteksten]

«Just Like Tom Thumb's Blues» vart gjeven ut på Bob Dylan's Greatest Hits Vol. II (òg kjend som More Bob Dylan Greatest Hits i Europa) og Bob Dylan's Greatest Hits 2. Ei alternativ utgåve finst på The Bootleg Series Vol. 7: No Direction Home: The Soundtrack.[9]

Han har òg vorte spelt mykje på konsert. Ei konsertutgåve frå Liverpool den 14. mai 1966 vart gjeven ut som B-side på «I Want You»,[8] og seinare på Masterpieces. Songen vart òg spelt på den kjende elektriske konserten med The Band i Manchester Free Trade Hall den 17. mai 1966, som vart gjeven ut som The Bootleg Series Vol. 4: Bob Dylan Live 1966, The "Royal Albert Hall" Concert.

I 2005 kåra lesarane i Mojo songen som den 13. beste Dylan-songen nokon gong.[10] Ei tilsvarande kåring i Uncut plasserte «Just Like Tom Thumb's Blues» på 38. plass.[11]

Andre utgåver[endre | endre wikiteksten]

Andre artistar som har spelt songen er Gordon Lightfoot, Neil Young, Judy Collins, Frankie Miller, Nina Simone, Bryan Ferry, Linda Ronstadt og the Grateful Dead.

The Beastie Boys sampla linja «I'm going back to New York City, I do believe I've had enough» i songen deira «Finger Lickin' Good» på albumet.

Bakgrunnsstoff[endre | endre wikiteksten]

Kjelder[endre | endre wikiteksten]

  1. Williamson, N. (2006). The Rough Guide to Bob Dylan 2. s. 228. ISBN 978-1843537182. 
  2. Heylin, C. (2009). Revolution in the Air: The Songs of Bob Dylan, 1957-1973. ss. 256-260. ISBN 978-1556528439. 
  3. Polizzotti, M. (2006). Highway 61 Revisited. s. 145. ISBN 978-0826417756. 
  4. 4,0 4,1 «Just Like Tom Thumb's Blues». allmusic. http://www.allmusic.com/song/t1992119. Henta 23. oktober 2009. 
  5. Humphries, Patrick (1995). Bob Dylan. s. 26. ISBN 0 7119 4868 2. 
  6. 6,0 6,1 6,2 6,3 6,4 Shelton, Robert (1997). No Direction Home; The Life and Music of Bob Dylan. s. 282. ISBN 0-306-80782-3. 
  7. 7,0 7,1 Gill, Andy (1998). Don't Think Twice It's All Right: Bob Dylan The Early Years. s. 88. ISBN 1 56025 185 9. 
  8. 8,0 8,1 Williams, Paul (1991). Bob Dylan Performing Artist. s. 167. ISBN 0-88733-131-9. 
  9. «Allmusic Bootleg 7». http://www.allmusic.com/album/the-bootleg-series-vol-7-no-direction-home-the-soundtrack-r791621. 
  10. «100 Greatest Dylan Songs». Mojo. November 2005. http://www.rocklistmusic.co.uk/mojo_p4.htm#The%20Beatles%20101%20Greatest%20Songs. Henta 23. oktober 2009. 
  11. «Uncut – Top 40 Dylan Tracks». Uncut. June 2002. http://www.rocklistmusic.co.uk/uncut.htm#Dylan. Henta 23. oktober 2009.