Dale kyrkje i Fjaler
| Dale kyrkje | |
| kyrkje | |
 | |
| Land |  Noreg
|
|---|---|
| Fylke | Sogn og Fjordane |
| Kommune | Fjaler |
| Kyrkjesamfunn | Den norske kyrkja |
| Bispedøme | Bjørgvin |
| Prosti | Sunnfjord |
| Sokn | Fjaler |
| Fellesråd | Fjaler |
| Type | Langkyrkje |
| Arkitekt | Ukjend |
| Material | Tre |
| Innvigd | 24. november 1864 |
| Kyrkjegard | Ved kyrkja |
| Altartavle | av Anders Askevold |
| Sitjeplassar | 550 |
| Wikimedia Commons: Dale kirke, Fjaler | |
Dale kyrkje står i Dale i Fjaler kommune i Sogn og Fjordane, og er ei langkyrkje bygd i tre i 1864.
Den noverande kyrkje er ei tømra langkyrkje i tradisjonell stil. Nygotiske trekyrkjer av denne typen vart det bygd mange av i Noreg i andre halvdel av 1800-talet. Kyrkja vart reist av byggmeister Johannes Arnesson Øvsthus frå Hosanger og ho kosta om lag 5000 spesiedalar. Ein veit ikkje kven som har teikna bygget.[1] Kyrkja har oppunder 550 sitjeplassar og har vore hovudkyrkja i Fjaler sidan 1894.
Tidlegare kyrkjer[endre | endre wikiteksten]
Det finst ingen sikre opplysningar om når det første kyrkja vart reist i Dale. Truleg var den første kyrkja ei stavkyrkje. I det historiske dokumentet Bergens Kalvskinn frå kring 1350 er ”Dalskirkue” nemnd. Det var truleg den andre kyrkja i Fjaler. Denne vart riven i 1593 for å gje plass for ei ny kyrkje; ei tjørebreidd, bordkledd tømmerkyrkje, som vart ståande fram til 1863. Denne kyrkja finst det avblildning av. Den kjende landskapsmålaren Anders Askevold har henne med på eit oljemåleri frå Dalsbygda i 1853.
I 1772 vart alle kyrkjene i prestegjeldet selde på auksjon og kom i privat eige, men i 1860 gav konsul Jansen kyrkja til Dale kyrkjelyd utan vederlag. Då denne kyrkja vart for lita og dessutan var i dårleg stand, vart ho riven i 1863 og den nye kyrkja stod ferdig året etter. Døypefonten, ei gammal altertavle som heng på skrå oppe i koret og kyrkjeklokkene som no er i Dale kyrkje er frå eldre kyrkjer. Elles er ei kyrkjedør frå mellomalderen i samlinga ved Bergen Museum. Det er òg er ein preikestol frå 1620, medan ein messehakel frå 1650 er teken vare på i Kunstindustrimuseet i Oslo.
Sjå òg[endre | endre wikiteksten]
Kjelder[endre | endre wikiteksten]
- Om Dale kyrkje på nettstaden til Fjaler kyrkjelege fellesråd
- «Dale kyrkje» på NRK Sogn og Fjordane Fylkesleksikon
- «Kirkebøker, Sogn og Fjordane» på nettstaden til Arkivverket
Fotnotar[endre | endre wikiteksten]
Bakgrunnsstoff[endre | endre wikiteksten]
- Om Fjaler kyrkjelyd på nettstaden til Den norske kyrkja
- Kart frå 1979 som viser kyrkjestader og soknegrenser, på nettstaden til Universitetet i Bergen/Digitalarkivet
- Skanna kyrkjebøker frå Sogn og Fjordane på nettstaden til Arkivverket
- Oversikt over gravminne i Fjaler kommune på nettstaden disnorge.no
- Vis Dale kyrkje i Fjaler i kulturminnesok.no, nettstaden til Riksantikvaren
